Sjálfmiðlun

Stúdentaráðsskipti

2007-02-22T22:56:00.000Z

Í dag var skiptafundur í Stúdentaráði. Frekar fyndin athöfn með sérkennilegum (en nauðsynlegum) handauppréttingum.
Skipan í nefndir var frestað þangað til eftir helgi skv. tillögu frá Vöku sem er sennilega enn að plotta hvernig það skuli gerast í sínum röðum. Held að ég verði tilnefndur í eina nefnd, meira um það síðar.
MS verkefnið er byrjað að fljóta, ég er kominn af stað með bóka- og greinalestur. Einhverjar hugmyndir eru komnar á blað en ekkert skrifað þannig lagað.
Keypti belti á útsölu á Indriða vörum í Saltfélaginu. Systkinin Styrmir og Marta stóðu vaktina eins og hetjur, ekkert kort fer út nema með smá yl í veskinu.

Umhverfismálin á toppinn

2007-02-15T11:43:00.000Z

Ég get svarið það, umhverfismál virðast vera orðin alvörumál. Það líður varla sá dagur að ekki sé fjallað um umhverfismál af einhverju tagi og þá af alvöru án yfirlætis.
Athyglisverð er umræðan um svifrykið sem nú fer mikinn. Morgunblaðið hefur með réttu ákveðið að leggja töluverða áherslu á mengun í kringum opinberar stofnanir og kom í gær með frétt á forsíðu um mann sem benti umhverfisyfirvöldum á vandann fyrir mörgum árum síðan. Þetta á svo að nota til að finna höggstað á umhverfisstefnu R listans. En sú taktík gerir ráð fyrir því að svifryksmengun sé á einhvern hátt staðbundin og þó óháð skipulagi umferðarkerfisins. En hvernig er það? Munu mislægu gatnamótin við Kringlumýrarbraut - Miklubraut minnka svifryksmengun í borginni? Bara svo eitt dæmi sé nefnt. Eða mun aukin áhersla á réttindi einkabílista og veigrun við að taka gjald af nagladekkjum hafa góð áhrif á svifryksmengun? Er lakari strætisvagnaþjónusta á stofnleiðum vísir að minni svifryksmengun? Svarið er nei og Sjálfstæðismeirihlutinn í borginni ber ábyrgð á þessum þáttum.
Nagladekkin eru klárlega mikill sökudólgur í þessu máli og það er hreinasti barnaskapur að ímynda sér að auglýsingaskilti sem hvetja til minni notkunar hafi einhver áhrif. Vandamál hinna svokölluðu hægri manna í Sjálfstæðisflokknum er að þeir hafa enga trú á markaðnum sem tæki til breytinga. Staðreyndin er sú að fólk velur sér ekki einkabíla með nagladekkjum af löngun eða vegna meðvitaðrar ákvörðunar. Það er einfaldlega hagkvæmasti kosturinn í borg sem dekrar svona við einkabílinn. Með sama hætti eru Kaupmannahafnarbúar ekki bara rosalega hrifnir af reiðhjólum og lestum og velja þess vegna að nota þá ferðamáta. Það er bara svo ömurlegt að aka í borginni og engin bílastæði að fá (1 stæði á hverjar 5 íbúðir samanborið við 1,5 stæði á íbúð hér). Þar eru hinir kostirnir hagkvæmari í samkeppni.
Annað mál er svo grein Péturs Blöndal um umhverfismál Íslendinga í alheimssamhengi. Innihald greinarinnar er gott en eins og svo margir af hans kynslóð á hann erfitt með að koma kjarna málsins til skila og kann ekki að nota réttan orðaforða til að lýsa hugtökum. Ég eins og aðrir alheimssinnaðir umhverfisverndarsinnar hef löngum skilið þann ábata sem álframleiðsla hér á landi skilar í útblásturssparnaði. Og það er rétt sem Pétur segir að ál verður framleitt hvort sem við byggjum álver eða ekki og því getum við lagt eitthvað af mörkum til heimsbyggðarinnar með því að framleiða það undir ströngum skilyrðum hér með vistvænni orku. En það er samgönguþátturinn sem ég efast um í grein Péturs. Nú eru 3/4 hlutar orku á Íslandi innlend framleiðsla og restin innflutt olía. Sem er mikið. Hann segir að losun CO2 á einstakling sé stöðug í kringum 10 Mtonn. En það getur ekki staðist sé horft til fjölgunar bíla, fjölgunar stórra bíla, bætts vegakerfis og umtalsvert fleiri flugkílómetra. Ætla að skoða málið. Einhver sagði á samgönguþingi á Akureyri um daginn að við Íslendingar værum svo aftarlega á merinni að við þyrftum sjónauka til að sjá merina.
En nú vonast ég til að sjá aukna umræðu um bindingu kolefnis, kolefniskvóta og kílómetrana að baki matvælunum okkar svo fátt eitt sé nefnt.

Þyrping á norðurkantinum

2007-01-31T16:54:00.000Z

Fréttin um hverfið sem Þyrping vill reisa á landfyllingum norðan Örfiriseyjar er mjög áhugaverð fyrir flest annað en fréttina sjálfa.
Í fyrsta lagi má lesa úr orðum framkvæmdastjórans að skipulagning byggðar á svæðinu sé hugarfóstur Þyrpingar og að með framkvæmdunum sé Þyrping að bjarga miklu í baklandi miðborgarinnar. Hins vegar vita það allir að Aðalskipulag sem var samþykkt fyrir um 6 árum síðan gerir ráð fyrir byggð á landfyllingum á norðanverðu Nesinu, að vísu nokkuð vestar. Sú hugmynd var töluvert gagnrýnd fyrir það að standa uppi í rokinu af Sundunum og fyrir að vera á landfyllingum.
Viðbrögð Björns Inga eru líka mjög sérstök. Hann tekur þann pólinn í hæðina að vera spenntur og jákvæður sem eru einmitt klisjuviðbrögð íslenskra stjórnmálamanna. Hann bendir þó á að eftirspurn eftir landi á þessu svæði sé töluverð og að skipulagi þurfi að breyta. En hvergi er minnst á þátt borgarbúa í þeim breytingum.
Það er ljóst að við erum komin í sama gamla farið í Reykjavíkurborg.

Græni maðurinn orðinn grár

2007-01-31T11:48:00.000Z

Ég held að Ómar Ragnarsson sé eitthvað aðeins að misskilja. Á sama tíma og hann þykist vera að bjarga landinu með ankannalegum æsingi og furðuverkum þá mælist hann til þess að bílaumferð í Reykjavík sé aukin! Hann vill endurvekja rúntinn og þá þarf að vera hægt að keyra Austurstræti til beggja átta... Maðurinn er búinn að tapa því.
Sjálfur hef ég reyndar haldið því fram að Bankastræti eigi að loka fyrir umferð og raunar Laugaveginum öllum upp að Frakkastíg að minnsta kosti. Hver þarf í alvörunni að keyra þarna? Flestir sem eiga erindi í verslanirnar hafa hvort eð er komið úr nærliggjandi hverfum eða lagt á bílastæðum í nágrenninu. Hreint tölulega séð getur ekki munað um ca. 30 bílastæði og nokkra bíla á klukkustund sem flestir eru hvort eð er að rúnta.
Þessi tvískinnungsháttur Ómars bendir samt á þann vanda sem umhverfismál eiga við að glíma hér á landi, umræðan um þau er ekki á eðlilegum nótum. Við gleymum í þessu eins og svo mörgu öðru að átta okkur á því hvað það er sem við viljum fá út úr umhverfisvernd því að það er ekki bara óljós greiðastarfsemi heldur alvarleg kaup kaups. Við erum bæði of lítið og of mikið sjálfmiðuð í þessu sambandi. Umhverfisverndarsamtök víða um heim hafa t.d. yfir ánægju með "sjálfbær álver" af því tagi sem við byggjum hér og áhrifum þeirra á loftslagið. En íslensk samtök hafa skiljanlega áhyggjur af íslenskri náttúru en minnast ekki orði á ábyrgð okkar gagnvart umheiminum. Við hreykjum okkur af því að framleiða allt rafmagn með hreinni orku og megnið af upphitun húsanna okkar. En á sama tíma notum við óhemju orku í flutninga, innflutt orka (þ.e. olía) er 30% af notaðri orku á Íslandi. Er það ekki frekar dapurlegur árangur miðað við að orkan gýs bara upp úr jörðinni hér?
Átti annars góðan afmælisdag, sushi og kampavín yfir leiknum, svo hélt Árni Matt upp á afmælið okkar með mögnuðum tónleikum á Nasa.

Afmæli

2007-01-30T16:26:00.000Z

Já það er engum blöðum um það að flett að ég á afmæli í dag. Nokkur símtöl og tölvupóstar hafa borist það sem af er degi en ég tek við hamingjuóskum fram til miðnættis.
Ég hef áreiðanlegar heimildir fyrir því að konan mín ætli að gefa mér Sushi að kjamsa á í kvöld. Svo keypti ég kampavínsflösku fyrir jólin sem ég held að sé kominn tími á að smakka á.
Nokkrar gjafir hafa borist en þeim mun ég taka við til vikuloka. Inga Rún gaf mér gullfallegar skóhlífar af gerðinni Swims. Foreldrar mínir gáfu mér grillpönnu, svuntu og hnífapör. Svo var það meistari Trausti Valsson sem gaf mér áritað eintak af nýjustu bók sinni: ?How the world will change with global warming.?

Ó sjitt

2007-01-29T14:14:00.000Z

Síðustu dagarnir í DK voru nú erfiðir. Fyrst var lokapartí eftir risa skipulagskúrsinn minn. Prófinu lauk og ég bauð hópnum mínum upp á kampavín og það setti bara tóninn fyrir skemmtilegt kvöld.
Daginn eftir, þ.e. á laugardagskvöldið, var meistari Kenneth Breiðfjörð mættur til að halda upp á þrítugsafmælið sitt. Mikið af félögum hans úr verkfræðinni eru í námi þar svo það var bara ákveðið að halda partíið þar sem fólkið er. Ekki svo galið og ekki svo galið partí. Kenneth tók yfir Pilegården og bauð upp á bjór ofan í liðið. (Sjálfur kann hann að hafa drukkið einn eða tvo umfram.)
Á leiðinni heim fékk ég mér kjúklinga kebab á Runddelens King of Kebab no. 1. Eitthvað fannst mér vera orðið fönkí bragð af honum. Byrjaði svo ferðadaginn á að skila honum sömu leið og hann kom inn. Og það setti bara tóninn fyrir daginn. Ógleði og flugvélar, flugvellir og strætisvagnar... kokteill vanlíðunar. Ég er nú allur að koma til sem bendir til að ég hafi bara fengið gubbupest að heiman frá þessu víðreista liði í afmælinu. En ég held mig samt við þá skýringu að ég hafi í raun fengið matareitrun.
Ætla að taka því með rólegra móti í dag og skelli mér svo í baráttuna með Röskvu á morgun ef guð lofar.

Kúl að blogga?

2007-01-24T19:18:00.000Z

Stundum getur maður nú saknað þess að blogga ekki. Eftir að hafa tékkað aðeins á málum get ég ekki séð betur en að það er frekar kúla að blogga ennþá. En á maður kannski að vera á blog.is? Er það meira kúl en blogger? Nei.
Kannski sakna einhverjir lesendur mín bæði í raun og líka á neti. Á netinu hef ég verið meira eða minna horfinn á fjöllum. En í raun hef ég verið í Köben. Góðu fréttirnar eru þær að ég ætla að vera til staðar á neti og í raun um ókomna framtíð. Næstu helgi kem ég aftur heim en fyrst er að taka próf í skipulagsverkefni sem ég hef verið að vinna í síðan í september. Svo verður að sjálfsögðu partí eftir það og þar á eftir mun stórvinur minn Kenneth Breiðfjörð halda afmælisveislu hér í borg. Pökkuð dagskrá eða hvað.
Ég er núna orðinn Röskvu maður. Það kemur kannski ekki sérstaklega á óvart. Ég er frjálslyndur félagshyggjumaður, Atli bróðir minn er í SHÍ fyrir Röskvu og Einar elsti bróðir var í framboði fyrir Röskvu. Sá er að vísu meiri frjálshyggjumaður en flestir í dag og rekur kapítal fyrirtæki í Svíþjóð. (Sem er að vísu dálítið fyndið.) Markmið mitt með því að vera með Röskvu er að koma meistaranemum og þeirra aðbúnaði frekar á kortið. Þetta er ört stækkandi hópur sem þarf sinn málsvara í SHÍ. Þar sem ég útskrifast vonandi í vor verð ég þó bara með um stutta stund.

Lestur

2005-10-12T10:24:00.000Z

Allt í einu fór ég að spá hvort nokkur kíki á þetta lengur því ég er alltaf að hætta og byrja aftur. RSS sjúklingarnir munu nú sjá þetta sama hvað en þeir eru nú ekki svo margir. Kannski ég ætti að fara að skrifa í svona dagbókarstíl með tímasetningum og örstuttri lýsingu. Þá ætti færsla dagsins að líta svona út:
Vaknaði við klukkuna kl. 7.30 en nennti ekki framúr svo útvarpið malaði óáreitt til 8.15 þegar ég fór framúr og rauk í tíma hjá Trausta Valssyni.
Gerði grein fyrir verkefni mínu í Mati á umhverfisáhrifum og hlaut lof fyrir ítarlegan texta og góða ensku.

Kominn á lappir

2005-10-11T20:37:00.000Z

Sverrir er kominn á lappir. Ég varð eiginlega skítstressaður af því að mæta aftur í skólann eftir viku í rúminu og án þess að hafa gert handtak. Nú vinn ég yfirvinnu við að reyna að koma málum í rétt horf. Meðal þess sem þarf að gera er að klára að skrifa kafla um hafnarstæði víða um landið og umhverfisáhrif þess að setja þar upp olíuflutninga eða vörumiðlunarhöfn. Svo sýndum við Biggi hraðsoðna hugmynd um umferðarskipulag í Vatnsmýrinni. Ætlunin er að taka þéttan vinnufund fyrir helgi og koma fleiri málum á hreint í þessu skipulagsverkefni okkar.
Heyrði í fréttum af skoðanakönnun samgönguráðuneytis þar sem kannað var hvort fólk hefði áhuga á að flytja innanlandsflug til Keflavíkur. Kemur ekki í ljós að landsbyggðin var á móti en Reykvíkingum virtist mörgum vera sama eða fylgjandi flutningnum. Áróður embættismanna landsbyggðarinnar hefur þó haft sín áhrif og vakið samúð borgarbúa sem eru með samviskubit yfir að hafa flutt á mölina. Áhugaverðast var samt að jaðarbyggðir Reykjavíkur, Árborg og Borgarnes o.þ.h. voru frekar fylgjandi flutningi flugsins til Keflavíkur.
Spurning hvort maður eyði laugardeginum á ráðstefnu um skipulag Vatnsmýrar?

Veikindaplogg

2005-10-07T10:02:00.000Z

Nú hef ég legið í á sjötta dag í veikindum og er farið að leiðast svo að ég held bloggfærsla gæti jafnvel drepið niður leiðindin. Kannski munu þá einhverjir með RSS yfirlit yfir bloggið mitt hafa samband og vekja veikann andann minn.
Í veikindum síðustu daga hef ég eignast nýjan vin, sjónvarpið. Ég er alveg flæktur í mikið sjónvarpsnet núna, sérstaklega var gaman þessa tvo daga sem það var opið fyrir stöð 2. þeir á 365 gleymdu nefnilega að kveikja á ruglaranum sínum eftir rafmagnsleysið hér um daginn (ég er hættur að gera dagamun, afsakið). Ég sakna þess mjög að geta ekki horft á rugludallana í Simpsons fjölskyldunni. Kannski verð ég bara að leita á netið eftir efni?
Fékk einhver annar en ég rosalegan bjánahroll við að lesa um það hvernig Kiri Te Kenawa þurfti að biðja fólk um að slökkva á símanum sínum í tvígang? Ég meina hvers konar hálfviti eyðileggur vísvitandi fyrir sjálfum sér 10.000 króna miða með því að vera í sífelldu spennukasti, bíðandi eftir því að Nokia konsertinn hefjist í brjóstvasanum? Nei svona fólk á heima á Litla Hrauni enda búið að valda tugþúsunda króna skaða, spurning hvenær fyrsta skaðabótamálið vegna símhringingar verður höfðað og hvort hægt sé að fá eitthvað út úr því?

Eftir menningardaginn

2005-08-21T15:42:00.000Z

Það er greinilegt að Menningarnótt er í raun engin Menningarnótt heldur Menningardagur, amk talar löggan um þetta þannig og að svo fylgi óMenningarnóttin á eftir Menningardeginum. En þetta var nú bara ágætis skemmtun í heildina litið. Að fá að sjá Frímúrarahúsið fannst mér eiginlega best, alveg sérstaklega skemmtilegt. Mjög ríkmannlega búið verð ég að segja og greinilegt að menn hafa safnað miklum fjárhæðum í langan tíma til að koma þessu upp. Nú er bara að brýna FRF meðlimi til að gera álíka umbúnað um starfsemi sína....
Ætli göngutúr sé ekki það sem ég þarf núna, kíkjum á það.

Það var eitthvað með fötin

2005-08-19T09:29:00.000Z

Ég var á mínu venjubundna rölti á leið heim úr vinnu í gær en þá þykir mér svo ágætt að ganga í hægðum mínum um miðbæinn. Ég fór að veita því athygli hversu mikið fatasmekkur landans hafði batnað, skyndilega var annar hver karl orðinn frekar snyrtilegur til fara og sumir höfðu greinilega haft nokkuð fyrir að eignast fín jakkaföt. Bindishnútarnir voru vel hnýttir og skórnir burstaðir. Það var svo ekki fyrr en ég varð þess áskynja að þetta væri frekar strolla en dreifður mannfjöldi, strolla sem náði frá Melunum að það rifjaðist upp fyrir mér frétt sem ég hafði lesið. Lögfræðingarnir koma var fyrirsögnin enda norrænt lögfræðingaþing í bænum.

Merkilegur þáttur í gærkvöldi, ?Holdið er veikt? sem staðfesti það sem allt venjulegt fólk vissi, að Kaþólskur siður er bara pervertismi í dulbúningi guðsástar. Skírlífið og píslin hefur aldrei snúist um nálægð við guð heldur eingöngu það að byggja upp spennu og fá losun á réttu augnabliki, þ.e. með Hann fyrir ásjónu sér en ekki ástvin sinn.

Hefur ekki einhver áhuga á að fá betra Ríki í miðbæinn? Sendið póst.

Prófbúinn vínáhugi

2005-08-18T13:17:00.000Z

Ég er núna prófbúinn maður, gekk að ég held frekar vel á prófinu þótt ég hafi bara getað klárað 5 af 6 dæmum. Ekki það að ég hafi reyndar búist við því að geta klárað prófið. Gærdagurinn fór svo bara í að njóta þess að vera í bænum án þess að þurfa að gera neitt sérstakt. Orri var boðinn og búinn að hjálpa mér með þetta og við dóluðum okkur við át og kaffidrykkju fram eftir degi. Svo fórum við út um kvöldið og ég má til með að deila með ykkur skemmtilegum myndum úr partíi sem við lentum í en þær má skoða hérna.

Annars er það nú helst á döfinni að Orri var æstur yfir grein Steingríms Sigurgeirssonar í Tímariti Morgunblaðsins nú síðast sem var svo fylgt eftir með viðtali við víninnflytjendur á mánudaginn. Þessar greinar fjalla sem sagt í stórum dráttum um það að framboð á víntegundum hefur skroppið rækilega saman og krafan um framlegð er mikilvægari en framboð sem er alveg fáránlegt í ríkiseinokunarfyrirtæki. Ég er svo búinn að vera á leiðinni að setja fram einhverjar kröfur, studdar undirskriftalista um betri vínbúð í miðbænum. Ætli nú sé ekki lag að sameina þessar pælingar og fara í kröfugerðir. Allir áhugasamir vínneytendur eru hvattir til að senda mér póst hafi þeir áhuga á að hjálpa til við að gera eitthvað í málinu. Greinar um málið er að vænta á blogginu innan skamms.

Vælukapítal

2005-08-12T15:51:00.000Z

Nú er ég ekki maður sem setur sig upp á móti því þegar ríkið vill hjálpa til í samfélaginu þar sem þess er þörf. En mér finnst þessi hvatning FÍB til stjórnvalda um að lækka bensínskatt algert vælukjóa vein. Það er ekki eins og að hækkandi bensínverð hafi haft þau áhrif að rekstrarkostnaður vegakerfisins hafi minnkað. Hvernig geta menn ætlast til þess að ríkið komi að bjarga málum þegar þeir hafa ekkert lagt til lausnarinnar sjálfir?
Það er í raun og veru ekki einingarverð bensíns eða dísel olíu sem er vandamálið heldur er það heildarkostnaður bílreksturs sem er þungur baggi á fólki. Ef bensínverðið væri aðalvandamálið þá væri fólk kannski farið að hugsa út í stærð og hagkvæmni bílvélanna sem það kaupir. En svo er ekki og fólk heldur áfram að kaupa dýra bíla í von um að skattar á bensín verði lækkaðir. FÍB er sem sagt að biðja ríkið um að niðurgreiða dýran smekk landsmanna fyrir stórum jeppum.

Seinni hálfleikur - blús

2005-08-11T16:21:00.000Z

Þá er próflestur hafinn. Í annað skiptið reyni ég við sumarpróf, hið fyrra gekk ómögulega en vonir standa til að mér muni ganga glimrandi vel í prófinu núna. Andlegur stuðningur þeginn, ég held til á 4. hæð Hlöðunnar á daginn. Bjartur flötur er að það eru engir sólskinsfylltir dagar á Austurvelli sem lokka mann út.
Til að bæta gráu ofan á svart er Inga mín í útlöndum, henni var boðið á Öya festival í Osló. Ég hlakka til að lesa það sem hún kemur með úr ferðinni því mér sýnist dagskráin frekar áhugaverð, sem og hátíðin öll. Það munar miklu um stemmninguna í stofunni heima þegar fækkar um helming.

Ofsalega þykir mér það ódýrt hvernig Sjallarnir eru að reyna að beita leiðakerfi Strætó fyrir sig í áróðursherferð sinni þessa dagana. Þetta er greinilega dagskipanin að reyna að ganga frá R listanum meðan hann er varnarlaus og ég lái þeim það svo sem ekki en þetta er alveg sérstaklega ósannfærandi af tveim ástæðum.
1) 5 af 7 stjórnarmönnum í Strætó bs eru Sjálfstæðismenn. Það má ekkert gleyma því að sveitarfélögin á höfuðborgarsvæðinu eiga öll sinn hlut í félaginu og hvert og eitt hefur fulltrúa í stjórn. Ætti ekki frekar að ráðast á meirihlutann í stjórn Strætó ef þessu fylgir alvara?
2) Næstum allir Sjálfstæðismenn sem ég hef talað við segja umbúðalaust að leggja eigi almenningssamgöngur niður. En svo koma þeir fram sem einhverjir miklir verndarar Strætó á síðum blaðanna... afskaplega trúverðug framkoma eða þannig. En það er ekkert nýtt fyrir Sjálfstæðismenn að segja eitt opinberlega en svo eitthvað allt annað í einkasamtölum. Á þessu er þó undantekning sem eru pirruðu kapítalistarnir á Andríki/Vefþjóðviljanum sem einhverjir eru sjálfstæðismenn.

Svo þykir mér full geist farið í fullyrðingar um að kerfið hafi versnað og að það sé eitthvað sérstaklega verra fyrir gamalmenni í dag en það var. Viðmiðunarmörk um fjarlægðir milli stoppistöðvar voru stækkuð en það á algerlega eftir að sýna fram á að heildargöngufjarlægð farþega hafi aukist. Ég segi það alla veganna að kerfið hefur síst versnað í mínu hverfi þótt það hafi breyst, en sumir eiga alltaf erfitt með að sætta sig við breytingar, sérstaklega íhaldsfólk.

Eyðsla bílvéla

2005-08-06T14:43:00.000Z

þeir sem vilja verja einkabílismann sama hvað með ráðum og dáðum benda oft réttilega á að með betri tækni batni nýtni bílvéla. Og þetta hafa verið nokkuð sterk rök fyrir því að breyta engu í því hvernig við högum akstri okkar heldur halda áfram á sömu braut og láta tækniframfarirnar minnka bensíneyðsluna til jafns við aukinn akstur. En nú hefur umhverfisverndarstofnun Bandaríkjanna sýnt fram á það sem umhverfis umhugað fólk hefur alltaf vitað, að þetta er ekki raunin. Raunin er sú að bílar hafa sífellt þyngst og því hefur bensínsparnaður tækninnar bara farið í að draga áfram hinn aukna þunga. Ef hins vegar eyðsla á bílþyngd er skoðuð má sjá bætta nýtingu orkunnar. Mest varð aukningin á ?mílum á gallon? á áttunda áratugnum eftir bensínkreppuna en þróunin hin síðustu ár hefur verið mun hógværari. Skoðið grein um málið á Green car congress, veitið sérstaklega athygli skýrum og einföldum gröfum sem fylgja greininni.

Kominn heim

2005-08-06T13:36:00.000Z

Loksins er maður kominn heim, kom reyndar heim á miðvikudaginn en við Inga brunuðum í bústað til Ívars Páls á fimmtudaginn og komum aftur í gær. Ekki mikill tími gefist við bloggið eftir heimkomuna sem sagt.
Fyrst ber kannski að geta þess að ég er núna trúlofaður maður, Inga tók bónorði mínu sem ég bar upp á afmælinu hennar úti í Bourgogne. Það skyldi þó aldrei fara svo að maður gengi ekki út. Nákvæm dagsetning brúðkaups hefur ekki verið ákveðin en það má búast við fréttum af því fljótlega.
Öll ferðin var með þeim skemmtilegustu sem ég hef farið. Dvölin í húsinu var æðisleg og við átum yfir okkur af dásamlegum frönskum mat sem matráðskonan hafði til. Ostarnir flæddu yfir bakkana og nóg var til af víni í þessu hjarta vínframleiðslunnar í Frakklandi. Svo var það París sem tók við eftir sveitadvölina. Maður lifandi, París er borg borganna. Þar gæti ég sko hugsað mér að dvelja, maturinn að sjálfsögðu eitthvað sem heillar mikið en svo er þetta sérlega dýrmæt upplifun á vel heppnuðu skipulagi, mónúmentalísku skipulagi sem reyndar hefur ekki átt upp á pallborðið hið síðasta.
Sú hugsun sem leitaði hvað sterkast á mig við komuna til Parísar var hversu ofboðslega rík þessi borg er og hversu ofboðslega rík hún hefur verið lengi. Sama hversu ríkt fólk er á Íslandi í dag og hversu mikill methagnaður fjárfestingarfyrirtækjanna er að þá getur það aldrei jafnast á við það þéttriðna net ríkidæmis sem er bersýnilegt í París. Breiðstrætin með gullhúðuð þök halla til sitt hvorrar handar, minnismerki sigra og auðs í beinum línum og raðað symmetrískt í borgarlandslagið eru merki mikilmennsku og ríkidæmis sem er vandfundið nokkurs staðar. En það eru líka merki um kúgun og ofbeldi yfirstéttarinnar sem hélt pöpulnum utan við glæsileikann og gerði breiðstrætin svona breið til að koma herdeildum sínum fljótar að berja niður byltingaróróann í úthverfunum.
Við Orri Huginn (sem nb fékk glymrandi dóma í Lesbókinni fyrir sinn þátt í Kabarett) ræddum þessi samskipti ríkra og fátækra í gærkvöldi. Við sáum fyrir okkur að enn væru reistir múrar um ríkidæmi forréttindastéttanna en að múrarnir væru komnir mun fjær, út fyrir landamæri ríkja og að þeir væru gjarnan ósýnilegir og óáþreifanlegir í stað grjótveggjanna áður. Það er vandlifað.

Borgir í Asíu

2005-07-21T13:02:00.000Z

Ég er með færslu um borgir í Asíu í vinnslu með sjálfum mér. Ætli ég reyni ekki að halda til haga nokkrum gagnlegum hlekkjum til framtíðarnotkunar. Hér eru tvær greinar sem ég held að séu frekar áhugaverðar fyrir marga: Ein á BBC um fátæktarhverfin sem myndast og stækka dag frá degi í stórborgum fátækra landa og svo ein á Worldchanging sem er eins konar samanburður á þróun mála í Indlandi og Kína. Potturinn og pannan í gerð íbúðarhúsnæðis í Kína er William A. McDonough sem verður rýndur þegar þar að kemur.

Tískuryskingar

2005-07-19T14:49:00.000Z

það er mjög fyndin lítil frétt aftast í Fréttablaðinu frá Iceland fashion week þar sem segir að sést hafi til Kolbrúnar Aðalsteinsdóttur lenda í ryskingum við einhvern starfsmann sýningarinnar. Miðað við það sem maður hefur heyrt af henni kemur þetta ekki beint á óvart og ég held að það sé ekki tilviljun að sagt sé frá þessu atviki í Fréttablaðinu með tilvísun á forsíðu og allt.
Þessi meinta tískuvika er náttúrulega bara einhver steypa sem þessi manneskja hefur sett saman og hefur að því er virðist ekkert að gera með flesta íslenska hönnuði heldur er einhver einka upphafning þessarar Kolbrúnar. Það er kannski dálítið lýsandi fyrir þetta fyrirbæri að það er í fyrsta sinn í ár sem sagt er frá þessu í Mogganum þótt IFW hafi verið í gangi í all nokkur ár. Eitt skiptið minnir mig að hún hafi útilokað alla íslenska fjölmiðla á þeim forstendum að þeir væru bara ekkert nógu flottir fyrir svona fínheit.
IFW er nokkuð gott og hagnýtanlegt dæmi um það hvernig maður á ekki að láta viðburði ganga upp og hvernig hægt er að baka sér ómældar óvinsældir með því að vera steik. Á meðan var t.d. Mosaic Fashions sýningin fyrr í sumar er nokkuð pottþétt dæmi um hvernig svona viðburður getur virkað frábærlega sem gott PR.

Nördahlerun

2005-07-19T09:58:00.000Z

Bragi benti mér á að ritstjóri Engadget.com er hér á landi og vill fá að hitta tækjaóða Íslendinga. Eftir nokkur tilboð og steiktar umræður í kjölfar beiðninnar varð ofan á að hittast skyldi á Kaffibarnum á fimmtudagskvöldið. Við ætlum að koma okkur fyrir úti í horni snemma kvölds og sjá hvers kyns nördalýður mætir og ef það eru kúl nördar ætlum við að vera með en ef það eru nördalegir nördar ætlum við að vera svölustu nördarnir sjálfir. Nörd?

Bómull í hausnum

2005-07-18T10:02:00.000Z

Líðan mín er áþekk því og þegar búið er að fjarlægja heilann og koma fyrir bómull í staðinn. Allt er frekar dempað í skynjuninni á þessum sól- og vindríka mánudagsmorgni. Ég gæti ímyndað mér að þetta séu bara eftirköst eftir kannabismökkinn kringum Snoop Dogg í gærkvöldi. Við Orri og Atli fylgdumst með kappanum og upphitunarböndum í brakandi/ískrandi hljóðgæðum, Kári vinur Atla átti ekki erindi sem erfiði og fékk ekki inngöngu þrátt fyrir að hafa látið af hendi Korg hljómborð.
Það var einkenni á tónleikunum að alltaf heyrðist ekkert í einhverjum míkrófón eða þá að tónjöfnun var út úr kortinu. Mig grunar reyndar að liðsmenn Snoop hafi verið frekir með uppstillingartímann og látið hinum lítið eftir til að pússa sitt hljóð. Sjálfum fannst mér Hjálmar magnaðir og Hæsta hendin átti línu kvöldsins:
Heimurinn minn er svartur og hvítur
ég held með KR
en restin er skítur.
FL group fannst mér eiginlega vaða reyk, hugsanlega sinn eigin. Um frammistöðu Snoop er fátt að segja, hann tók smellina sína af fyrstu plötunni og svo þessa tvo frá s.l. vetri. Svo var hann bara í að segja fólki að gera svona og segja hitt eins og t.d. "við elskum Snoop!" Nuff said.

Föt

2005-07-15T16:16:00.000Z

Mín skoðun er sú að öll önnur föt en þau sem eru klæðskerasniðin og saumuð séu í raun óásættanleg málamiðlun. Ég eins og aðrir sætti mig þó við að klæðast fjöldaframleiddum flíkum sem sniðnar eru á vísitölukropp. Þó á ég því láni að fagna að ég er ekki svo ólíkur í vextinum og vísitölukroppurinn sem notaður er við hönnun sniðanna. En með stafrænni tækni er miklu auðveldara nú en áður að búa til "mass-customised" vörur eða fjöldaframleitt handverk. Ég hef dálítið verið að skoða síðuna hans Ravi sem er klæðskeri í Tælandi og getur saumað eftir óskum manns og máli fyrir hlægilegt verð. Svo er hann með fjöldann allan af tilboðum sem gott er að nýta sér t.d. tvenn jakkaföt og 6 skyrtur á hlægilega 890 dollara eða 58 þúsund krónur á gengi dagsins í dag! Og vel að merkja eru allar flíkurnar sniðnar að manns eigin máli og líkamsstöðu en ekki bara út í bláinn.
Til upplýsingar læt ég fylgja með færslu þessari ráðleggingar klæðskeranna Kilgour við Savile Row nr. 8 um ásættanlegan fataskáp herramanna:
Þung föt
Þess konar fatnaður sem hentar ísköldum kaupsýslumönnum og frostdögum í Moskvu og London. Tvenn tvíhneppt og tvenn einhneppt dökk ullarföt úr c.a. 400g/meter þungu efni.
Milli þung föt
Þessi föt henta fyrir flestar árstíðir og þá sérstaklega hér á landi þar sem munur á vetri og sumri er nær enginn af síðustu vikum að dæma. Menn skulu eiga svo sem 5 föt úr venjulegu efni en 5 til úr fínna efni til notkunar í samkvæmum.
Létt föt
Íslendingur mun sjaldan þurfa á þessu að halda en við sem stundum frönsku Rivíeruna stíft og sinnum erindum á Spáni þurfum á ljósum og léttum sumarfötum að halda. 5 stykki nægja til að verða sér ekki til skammar.

Að auki skyldi maður vera vel byrgur af buxum og jökkum af sportlegra taginu. Skyrtueign eru engin takmörk sett en 20 ættu að vera nógu margar enda fari 5 til nauðstaddra við vorhreingerningar.
Formlegur klæðnaður er mismikilvægur en hafi maður ekki tvenn smókingföt og ein kjólföt hið minnsta í skápnum (og notkun) má segja sem svo að maður sé lítill þátttakandi í samkvæmislífinu.
Kilgour telur 3 frakka nægja herramanni en það er þó bara til að verjast helstu tegundum þess harðræðis sem veðráttan býður manni upp á, 6 frakka þarf að mínu mati til að verjast ágangi veðurs með fjölbreyttum stíl. Vetrar frakkar úr þykkri ull mega vera 2 eða fleiri, eilítið þynnri vor/haust frakkar eru nauðsynlegir og svo eru regnfrakkar undirstöðuatriði, persónulega mæli ég með Burberry´s.
Við þetta hef ég að bæta að nærbolir frá JBS eru af óviðjafnanlegum gæðum og fást hjá Herrafataverslun Guðsteins á Laugavegi. Góðkunningi minn og fyrrum ritstjóri Wallpaper Hr. Tyler Brulê fullyrðir að sokkar frá Falke séu þeir allra bestu og neyðumst við til að trúa því. Ásættanlegan framleiðanda nærbuxna hef ég þó ekki fundið enn og bið um að fá ábendingar þar að lútandi.

Nortón á tónleikum

2005-07-15T13:46:00.000Z

Ég steingleymdi því þegar ég var að henda inn síðustu færslu að bæði Nortón og Ampop eru að spila á Stúdentakjallaranum í kvöld. Og reyndar er Nortón líka í Smekkleysubúðinni kl. 17. Kvöld með Nortón er ógleymanlegt og þú skalt ekki missa af tækifærinu til að upplifa eitthvað ógleymanlegt lesandi góður.

Helgarpakkinn

2005-07-15T13:39:00.000Z

Ekki ber á öðru en að helgarpakkinn sé á leiðinni og mér sýnist innihaldið vera fremur þungt en óljóst. Ætli undirbúningsfundur fyrir fund Flottræfla sé ekki á dagskrá í kvöld og svo er hið svokallaða "litla ættarmót" við Elliðavatn á morgun. Helst hefði ég nú viljað bruna útúr bænum og upp á eitthvað fjall en ég tel nær engar líkur til þess að það eigi sér stað.
Inga Rún sem er nú formaður skemmtananefndar heimilisins er í fríi fyrir norðan svo ég er hálfpartinn utangátta. Skyldu ekki einhverjir vinir manns vera í stuði til að gera eitthvað skemmtilegt með manni?
Það eru met fáir í vinnunni og stemmningin alveg jafn melló og maður skyldi ætla á tómri borgarskrifstofu. Ég reyni þó að halda dampinum enda ekki langt eftir í vinnu með utanlandsferð og próflestur á næsta leyti.

ÚÚÚje

2005-07-14T10:55:00.000Z

Loksins eru þessi ský að fara. Ætli það tengist rússneska herskipinu sem spúir svörtu í Reykjavíkurhöfn? Ég ætla a.m.k. í sund í hádeginu og mun njóta þess að baða sólarvana líkamann í guðdómlegri birtu sunnu.
Það kemur nú smá PartyZone fílíngur í mann þegar sólin byrjar að skína, það sem af er sumri er ég búinn að vera meira svona Nick Cave og Radiohead.

Dauði

2005-07-13T17:01:00.000Z

Kíkið á merkilega framsetningu dauðsfalla hermanna hinna staðföstu þjóða á þessari síðu. En hvernig væri nú ef föllnum írökum væri bætt við líka?

ArtKonseptKonsert

2005-07-13T15:27:00.000Z

Við Bragi og Júlía röltum okkur upp í Klink og bank í gær að sjá Eika og vini speisa í einhverju frjálslegu hljóðdjass grúvi. Mest voru þetta óhljóð og talað var um að drepa tónlist yfir bjór á eftir. Café Kultur varð fyrir valinu sem bjórbúlla post konsertum sem er yfirleitt mjög góður staður fyrir stóran hóp sem vill röfla saman. Plötusnúðurinn var greinilega að trappa sig niður eftir hálfan mánuð á Ibiza af tónlistinni að dæma. Ekki það að ég fúlsi nokkurn tímann við góðri house tónlist en kannski var þetta full kraftmikið fyrir þriðjudagskvöld.
Inga er að fara norður í Skagafjörð á eftir og verður í viku svo við hittumst í hádeginu og fengum okkur að borða á Deli með risastórum hóp af þýskum konum. Svo fórum við í Yggdrasil og keyptum meira runnate á la Mma Ramotswe, kvenspæjara nr. 1 í Botswana. Svo keyptum við líka snakk fyrir partíið sem ég ætla að halda þegar Inga er farin. Nei djók.

Sólarorka

2005-07-12T11:42:00.000Z

Skyldi sólarorka geta leyst raforkuframleiðslu með brennslu kolefna af hólmi? Sumir segja að svo geti aldrei orðið því sjálf framleiðsla sólarpanelanna kosti sé svo orkufrek. Hefur einhver kynnt sér hvernig þessu er háttað? Fyrst það þarf svona mikla orku í framleiðsluna ættum við Íslendingar ekki að framleiða svona sólarorkugjafa í stað áls? Í Kaliforníu er vonandi að opnast stór markaður með átaki Schwarzeneggers í uppsetningu svona tækja og svo er Þýskaland gríðarstór markaður líka.
Lýsi eftir viðskiptafélögum til að setja upp og fjármagna sólarpanela verksmiðju á Íslandi.

Skortur á umhverfi

2005-07-12T00:24:00.000Z

Tæknihungrið sækir á mig þessa dagana og ég er í stöðugri leit að einhverju sniðugu til að lífga upp daginn sem líður og verður eldri hverri mínútunni. Í þessum tæknileiðöngrum mínum hef ég rekist á alls kyns hugmyndir sem einhverjir snjallir kanar virðast geta fengið einhverja til að borga fyrir. Svona hugmyndir dúkka svo sumar upp hér á landi sem auglýsingatrikk einhvers símafyrirtækisins. Eitt svona fyrirbæri voru s.k. flash mobs sem aldrei hlutu umræðu né athygli hér á landi (og því hafa engar tillögur að islensku nafni komið fram). Nema hvað að fólk í auglýsingabransanum virðist alltaf hirða upp svona sniðugheit og í auglýsingu Símans GSM var einmitt sýndur flash mob sem stóð kringum klukkuna á Lækjartorgi og lét sig falla á slaginu 12. Svona uppákomur voru víst dálítið algengar í London þegar þetta var í tísku en ég held að 70 mínútna Strákarnir hafi samt sýnt það best hvernig svona heppnast hér á landi, þeir mæta einir en aðrir hefðu í besta falli gaman af að horfa á úr fjarlægð sérstaklega ef löggan skyldi koma og hirða þá.
Ég rakst á eitt fyrirbæri sem heitir meetro og verður örugglega hittari eftir því sem það fær tíma til að þróast. Þetta virðist vera kerfi sem leyfir borgarumhverfinu að eiga í samskiptum við tölvukerfi. Svona MSN messenger (og fleiri slíkir) sem sýnir þér hverjir eru í næsta nágrenni við þig og á sama neti þótt það séu ekki endilega vinir. Gallinn við svona kerfi í Reykjavík er að maður þekkir hvort sem er alltaf flesta í kringum sig og hina vill maður ekkert kynnast frekar....

Komin í hús

2005-07-11T16:21:00.000Z

Myndavélin fannst í Elko í Smáranum, þetta er sko urban jungle þarna úti. Ég er feginn að ég fer ekkert mikið oftar í þetta hverfi því það dregur alveg úr mér allan mátt. Með viljaleysið sett í mig af auglýsingahermönnun Smárakringlunnar féll ég fyrir Burger King og slafraði í mig Whopper eins og ekkert væri. Minn fyrsti Rey de la Hamburguesa hér á landi, ég fékk mér nú oft BK borgara í Svíþjóð því þar eru þeir við allar helstu lestarstöðvar og ekki slæmt að taka einn á tíkall til að seðja sárasta hungrið áður en maður fer í lestina.

Myndavélavekk

2005-07-11T10:52:00.000Z

Mig er búið að vanta myndavél æði lengi og hef aldrei átt stafræna vél en það átti að breytast í gær. Ég gerði fljóta könnun hjá snillingunum á dpreview.com sem beindu mér fljótt á rétta slóð. Ég greip Ingu með mér og við fórum í Elko þar sem ég fór að renna gegnum úrvalið. Ein Panasonic vél vakti athygli mína vegna stórs skjás en svo áttaði ég mig á því að það vantaði s.k. viewfinder og að skjárinn var ekkert svo góður þótt hann væri stór. Eftir að hafa rökrætt þetta, komist að niðurstöðu um að taka Canon vél og fundið til aukahluti stóð ég við afgreiðsluborðið með kortið í höndunum. Vélin var upseld. Gaaaa #&%! Hún er samt til í Kópavoginum og ég ætla að fara í hádeginu að kaupa hana.
Maður verður að geta tekið myndir þegar maður er að fara að skoða jafn myndrænt land og Frakkland. Nú eru innan við tvær vikur í brottför til Bourgogne eða Búrgundar. Myndir og upplýsingar um dvalarstað fjölskyldunnar eru hér ef einhver hefur áhuga.

Kominn á ról á ný

2005-07-08T09:15:00.000Z

Það mun gleðja litlu hjörtu lesenda minna að ég hef ákveðið að snúa mér á ný að skriftum á bloggtetur þetta. Hugmyndin um að byrja aftur hefur komið til mín nokkrum sinnum s.l. vikur og ég get bara ekki látið það vera. Sem fyrr verða hérna skarpar ádeilur á málefni líðandi stundar, frétta og skemmtiefni sem er á fárra færi að nenna að setja sig inn í og svo einn og einn persónulegur biti.
Umhverfistækni og skipulagsmál verða fyrirferðamikil sem endranær ásamt smá pólitík. Svo mun ég reyna að koma vínum betur fyrir á síðum þessum.
Við Inga munum halda til Frakklands í lok mánaðarins þar sem við munum vera í sumarhúsi með fjölda manns, þ.á.m. fjölskyldunni minni. Þetta verða gósentímar og ég ætla mér að heimsækja eina eða tvær (eða 10) vínekrur í Coté d´Or og Beaune. Dijon og Chablis eru nú staðir sem vert væri að heimsækja líka. Ef einhver þekkir til í Búrgundarhéraði þá má sá hinn sami láta mig vita af því sem þar er ómissandi.
Hamingjuóskir til Einars bróður míns sem útskrifast í dag frá Handelshögskolan í Stokkhólmi. Hann er nú orðinn MBA og verðandi milljónamæringur.

Veikindi og leiðindi

2005-02-18T15:57:00.000Z

Uss það hlaut að koma að því að viðbjóðslegu kvefpestirnar hefðu uppi á manni. Búinn að liggja marflatur í hvað.. 3 daga held ég er þó að mestu úr tengslum við tímaskynið. Hitinn hefur eiginlega frekar farið hækkandi en hitt og ég var með 38,5 um miðjan daginn og því búinn að liggja í móki síðan.
Vonandi fyrirgefur vinnhópurinn minn í Húsagerð mér, ég skelf við tilhugsunina að hitta þau aftur þegar þau eru búin að vinna alla vinnuna.
Ábending, undanfarna daga hafa verið tvær fréttir í gangi, önnur um það hversu ömurlega veitingahúsarekstur gengur á Íslandi og hin um hátt áfengisverð. Hefur engum dottið í hug að hugsanlega séu þessar fréttir nátengdar? Nú er það alveg vel þekkt staðreynd að veitingahús græða á áfengissölu og nær engu öðru enda yrði matarverð hér enn svívirðilegra ef einhver framlegð væri af matnum. Væri ekki nær að kanna hvað það er sem veldur því að veitingahús standa ekki undir föstum kostnaði?

Veikindi og leiðindi

2005-02-18T15:49:00.000Z

Tekið á því með Ístaki

2005-02-12T20:09:00.000Z

Vísindaferð til Ístaks í gær var með miklum sóma, kíkt á framkvæmdir á Grundartanga og svo haldið í höfuðstöðvarnar við Engjateig. Aðeins var rætt um það að stækkunin á álverinu þarna er í sjálfu sér ekki bara stækkun. Orðið stækkun gerir fremur lítið úr þessari rúmu tvöföldun á framleiðslugetunni, í raun er um að ræða nýtt álver í heild sinni og það skýrir mikinn rafmagnsþorsta iðnaðarins hér á landi.
Í kringum svæðið er nokkur trjárækt og þætti mér ekki óvitlaust að álfyrirtækin borguðu skógrækt víðs vegar um landið og ekki síst í nágreni við álverin. Svo sem eitt tré á hvert tonn af framleiddu áli ætti að vera í lagi tel ég. Reyndar þykir mér að álfyrirtækin megi láta meira og betra af sér leiða fyrir þetta samfélag hérna á Íslandi annað en að þiggja nær ókeypis rafmagn og láta byggja undir sig. Til dæmis ætti að vera til nám í efnisfræði, álframleiðslu og framleiðslu vöru úr áli. Einhverjir styrkir eru veittir meistaranemum í iðnaðarverkfræði en uppbygging þekkingar mætti vera markvissari.
En já ég er í þynnra lagi, vann í morgun hjá LSH við að pikka inn notendanöfn. Við Inga fórum svo í Gerðasafn að sjá sýningu á blaðaljósmyndum ársins, hún fór svo á Pressuballið en ég er á leið í partí með ritstjórn Stúdentablaðsins heima hjá Helgu Arnar. Við Leifur tökum svo á stærðfræðigreiningu á morgun kl. 1.

Glósur

2005-02-09T10:06:00.000Z

Ég verð að minnast á síðu sem ég rakst á, Sparknotes sem er stútfull af glósum um ýmis efni. Við fljóta yfirferð sýndist mér amk til glósur um nær allt milli himins og jarðar. Vel þess virði að kíkja á ef rifja þarf upp einhver undirstöðuhugtök eða kenningar.

Vínáhugi lítill meðal 3ja ársins

2005-02-07T17:24:00.000Z

Enginn í bekknum hefur skráð sig í vínklúbbinn sem ég var að reyna að koma upp, Vinum tecnicum. Félagið er opið öllum þó má fólk gjarnan reyna að tengja sig tækni á einhvern hátt sbr. nafnið. Ætlunin er sem sagt að prufa nokkur af dýrari vínum Vínbúðanna en halda kostnaði per mann niðri með fjöldanum enda þarf ekki að drekka ýkja mikið af góðum vínum til að fylla nægju sína. (Ætli maður að fylla höfuðið þarf meira og þarfnast það ekki svo dýrra vína)
Reyndar var Inga með einhverja bók á heilanum í gærkvöldi um það af hverju franskar konur eru ekki feitar. Grunnpælingin var eitthvað á þá leið að frönsk menning leggur meira upp úr gæðum (bragði, bragðstyrk, áferð) en nokkurn tímann magni. Hver sá sem hefur skoðað veitingahús í BNA veit að þau eru drifin áfram af tilboðum til hins botnlausa maga. Þrátt fyrir allan lúxusmatinn í Frans er borðað minna af honum í einu og sumir réttir eru bara mjög hitaeiningasnauðir eins og t.d. ostrur og súpur. Hin hliðin á þessu debet/kredit mannslíkamans er bruninn en þar sigra franskar konur aftur og væntanlega menn líka en frakkarnir ganga að jafnaði þrisvar sinnum meira en kanarnir og ber það að þeim brunni sem borgarskipulagið er. Engin heilvita manneskja gengur í BNA (nema í N.Y. og Sanfransisco o.þ.h.) enda ekki til þess ætlast, sama gildir um suma hluta Reykjavíkur en Parísarbúar eins og við vitum ganga mun oftar enda til þess ætlast í skipulaginu þar.

Örninn flaug

2005-02-07T17:16:00.000Z

Ég var bara nokkuð spenntur yfir Erninum í sjónbanum í gær. Gaman að sjá Benedikt Erlingsson tala alvarlega á dönsku í hlutverki flugmanns, ég bjóst samt eiginlega við að hann færi að góla svona eins og hann gerir og að ég myndi hlæja. En nei. M.a.s. sérsveitaratriðin voru mjög góð og þeir pössuðu líka upp á að rússneski mafíósinn dræpi með Kalishnikov AK47, hnefa byltingarinnar, sem ég kynnti hér á síðunni til skamms tíma.
Þættirnir lofa allaveganna góðu og útfærslan að leysa einn lið plottsins í hverjum þætt þykir mér nokkuð skemmtilegur. Þá verður svona stígandi í allri seríunni.
Annars hata ég veðrið í dag, er búinn að vera mjög þreyttur síðan ég vaknaði (lagaðist smá eftir að ég lagði mig eftir bollukaffi) og hef ekki alveg getað gert það sem ég ætlaði mér í lærdómi.

Spítalaskip og sjúkur flugmaður

2005-02-05T13:07:00.000Z

Sáum Spítalaskipið eftir Kristínu Ómarsdóttur í uppfærslu Nemendaleikhússins. Orri Huginn bauð mér og Ingu að koma og sjá. Ég er orðinn mjög hrifinn af þessum leikhóp í heild sinni, góð samverkun hjá krökkunum sem gerir sýningarnar skemmtilegar. Búningar og sviðsmynd voru hvort tveggja mjög töff og steikt. Frábærlega stutt leikrit líka, eitthvað sem ég kann vel við. Óhikað mæli ég með því að drífa sig á sýninguna hið fyrsta.

Hvaða áhrifa ætli Blöndalsvegur muni nú hafa á flugvöll í Vatnsmýri? Hugmynd Trausta Valssonar er að verða að veruleika ef þetta félag um hálendisveg stendur sig í stykkinu. Gæti verið áhugavert að reikna áhrif þessa valkostar á flugið. Verður það mastersverkefnið mitt?
Blönduósbúar og Skagfirðingar eru vitanlega ekkert of ánægðir með þetta. Ekki get ég heldur ímyndað mér að Borgnesingar séu yfir sig hrifnir. En þetta er bara til að benda á það að hlutverk flugs í samgöngum verður æ veigaminna.

Flugkappinn

2005-02-02T19:54:00.000Z

Við Inga fórum á Aviator í gær, 3ja tíma epíska mynd með Leo DiCaprio um bandarískan auðkýfing á tímum seinni heimsstyrjaldar. Og nei hún var bara mjög skemmtileg. Þessum 3 tímum var ekkert ofaukið, Scorsese fór vel með tímann. Leonardo vex sífellt í áliti hjá mér og þessi gerð hlutverka á mjög vel við hann og tíminn rauna líka. Við sáum t.d. Reynd´að ná mér hér um árið og fannst Leo standa sig feikilega vel þar. Svo var það hún Cate Blanchett sem fór með hlutverk Katherine Hepburn í Aviator en var líka alveg rosaleg í Coffe and cigarettes, þá sem fræg leikkona og frænka hennar.
Ég get óhikað mælt með þessari og ekki get ég hjá því komist að mæla líka með Hliðarskrefi (Sideways) sem verið er að sýna m.a. í Regnboganum. Einhver albesta mynd sem ég hef séð þar. Alger gullöld kvikmynda þessar vikurnar verð ég að segja, ef það væri nú bara alltaf svo gott.

Auglýsinga meira

2005-02-01T20:28:00.000Z

Enn önnur auglýsing með barni fleygðu/hrintu/dettandi. Í þetta sinn fleygði fullur frændi frænku sinni niður stiga þegar hann var að snúa henni í hringi. Þessar auglýsingar eru alveg að fara með mig. Ætli ég hætti ekki að keyra.

Svo eru það lögin sem eru elt, þegar þekkt lag er spilað næstum því en síðasta frasanum breytt örlítið svo að lagalega telst það ekki sama lagið og því ekki varið einkarétti. Þetta hafa þeir gert við gott lag Modest mouse og það sem verra var þegar Vísur Vatnsenda Rósu voru eltar í auglýsingu hér um daginn sem mér finnst nú eiginlega helgispjöll.

Merkilegt hvað auglýsingar geta líka verið táknrænar fyrir tiltekin tímabil. Til dæmis varð mér skyndilega hugsað til hverrar auglýsingarinnar á fætur annarri frá því í Svíþjóð í fyrra og mér fannst ég bara kominn í eldhúsið í Bergshamra. En er það ekki dulítið skrýtið (en þó mjög skiljanlegt) að auglýsingar geti verið svona mikill áhrifavaldur þótt maður muni jafnvel ekki einu sinni hvaða vöru þær voru að kynna.

Eftir afmælið á afmæli Benna

2005-01-31T21:45:00.000Z

Já hann Benni Hemm minn á afmæli í dag og hann situr víst á Sirkus núna að sötra bjór, er að velta fyrir mér hvort ég eigi að hlaupa niður eftir og sötra einn með honum.
Annars var fundur með Samtökum um betri byggð í eftirmiðdaginn. Við erum hugsi vegna þess hvernig mál æxluðust á fundi Samfylkingarinnar fyrir norðan. Mér líst ekkert á það ef Vatnsmýrin verður gerð að einhverjum landamærum borgar og landsbyggðar. Ég verð að telja það misskilning fólks á landsbyggðinni ef það telur meiri hagsmuni í flugvelli en byggð í Vatnsmýrinni. Ég hef fyrir því tiltekin rök sem ég mun rekja í nánari dráttum hér síðar. Athugasemdir og tillögur vel þegnar um þetta mál.
Af afmælisdeginum mínum er það að frétta að eftir vel heppnað partí á laugardagskvöldið var brunað í hádegismat (morgunmat kannski) heima hjá Ömmu Ingu og setið yfir kaffi. Tók svo árlegan útvherfa rúnt. Mamma og pabbi buðu í nautasteik um kvöldið og leikhús var næst á dagskrá. Sáum Híbýli vindanna í Borgarleikhúsinu. Langt verk, dálítið ruglingslegt til að byrja með en átti sína góðu spretti sem náðu tökum á manni. Þó fannst mér sagan fremur illa passandi á svið almennt. Ég held að meira að segja bíómynd myndi ekki ná sögunni almennilega, það þyrfti langra framhaldsþátta við.

Viðbjóður

2005-01-28T19:32:00.000Z

Ég mátti bara til með að segja að auglýsingin með barninu sem hleypur fram af svölunum er alveg viðbjóðsleg. Ég fæ alltaf langa ónotatilfinningu eftir að hafa séð hana.

Afturkoma

2005-01-28T19:18:00.000Z

Þó svo að enginn hafi beðið um það þá sný ég aftur úr bloggfríi mínu með þessari færslu. Lengi hefur mér leiðst að blogga en leiðinlegra þykir mér eiginlega að blogga ekki. Lífið náttúrulega hundleiðinlegt í stórum dráttum en í hinum fínari svo yndislegt. Svo dettur mer bara svo oft eitthvað skemmtilegt í hug að skrifa umþ

Við Maggi félagi vorum útilokaðir frá saunu Háskólans áðan sökum hóps óðra drykkjurúta sem daglega eru kallaðir ?prófessorar.? Þessi hópur gengur nú um samfélagið með hávaða raust og heimtar stéttaskiptingu. En við munum svara með króki móti bragði og mæta fyrr en þeir næsta föstudag og útiloka þá. Meðal þeirra má nefna Jónas Elíasson og Júlíus Sólnes hvori tveggja skorarformenn í Byggingaverkfræðiskor.

Partí verður heima hjá mér annað kvöld vegna afmælisins mikla, fjórðungur úr öld, hálfþrítugur orðinn strákurinn. Ef þú lest þetta er þér boðið því ég býst ekki við að svo margir utanaðkomandi pikki þetta upp svo fljótt, ekki einu sinni hún þarna Hugadóttir sem gerði allt vitlaust með aðdróttunum og gífuryrðum hér um árið. En hún mætti samt koma. Ég er í símaskránni.

Próflok

2004-12-18T20:36:00.000Z

Síðasta prófi er lokið. Kláraði próf í stærðfræðigreiningu í morgun (eða nokkur dæmi a.m.k.) svo nú er bara kæruleysi sem bíður.
Er að horfa á Gísla Martein, borða búrító og sötra Beaujolais Nouveau ´04. KK og Ellen systir hans sungu og spiluðu. Ég minntist á það flissandi við Ingu að KK þýðir á sænsku knull kompis sem er sem sagt andstæða platónsks sambands. Kemur á daginn að skrattakollurinn bjó í Svíþjóð og Ellen systir hans sagði meira að segja KK upp á sænsku þarna í þættinum svo hann veit alveg hvað hann syngur.
Beaujolais er annars sull og minnir um margt á eigin heimabrugg hér um árið.
Er ekki annars merkilegt hvað Stuðmenn eru miklir áhrifamenn í samfélaginu og hvernig þessum hópi tekst að vera sívinsæll?

Amstur

2004-12-13T22:31:00.000Z

Tvö próf af fjórum búin. Fyrsta var bara pís og keik eiginlega en prófið í morgun var djöflaterta. Eftir svona púl er ég bara búinn á því og það sem eftir lifir dags er ég frekar óstarfhæfur. Lagði mig og fór í pottinn í Vesturbæjarlöginni, kom upp úr mauksoðinn eins og paté. Ætla samt að kíkja á Laplace kallinn þegar Sopranos er búið.

Inga kemur heim úr verslunar- og skemmtiferð til Glasgow á morgun. Hlakka til að fá hana í tómlega íbúð (þótt það sé nú fínt að vera með pleisið út af fyrir sig).

Var annars að spá með öll þessi hverfi sem er verið að skipuleggja að þau eiga það öll samnefnt að eiga að hýsa efri hilluna í samfélaginu. Ég bara spyr hvar á venjulega fólkið að búa? Er ekki búið að blóðmjólka þennan lúxusíbúðamarkað? Gott og vel fasteignabyggjendur mega gera allt hvað þeir geta til að fá fyrir sinn snúð en er það ekki ábyrgðarhlutur skipulagsyfirvalda að markaðsetja alltaf öll ný hverfi sem lúxushverfi og keyra þannig verð og væntingar upp fyrirfram?

Mogginn úr miðbæ öðru sinni

2004-12-10T19:23:00.000Z

Það hefði kannski ekki átt að koma manni á óvart að Mogginn ætli sér að flytja upp í Hádegismóa þangað sem prentsmiðjan flutti fyrr í ár. Ég hafði rætt þetta mál við nokkra starfsmenn blaðsins og þessi möguleiki skaut upp kollinum, a.m.k. var rætt um alla lóðina sem Árvakur á á þessum dýrasta bletti landsins. Þó komust allir að því að sennilega myndi svona miðsækin starfsemi eins og útgáfa er ekki flytjast út á jaðar byggðarinnar. Á níunda áratugnum var flutt úr Morgunblaðshöllinni, í miðbænum inn á nýtt spennandi svæði í Kringlumýri.
þetta svæði sem eitt sinn kallaðist ?Nýi miðbærinn? er miðstöð fjölmiðlunar á landinu öllu því þarna og í nágreninu eru öll dagblöðin, Fréttablaðið og DV er í gamla Tónabæ ekki alllangt frá. Þá eru tvær stærstu útvarpsstöðvarnar, Rásir 1 og 2 ásamt sjónvarpinu steinsnar frá í Efstaleiti. Ég held því að með þessu sé Mogginn að setja sig dálítið á jaðarinn í tvennum skilningi. Enn skiptir staðsetning nefnilega máli, sérstaklega hvað varðar sýnileika fyrirtækja í fjölmiðlun. Mér hefur alltaf fundist það dálítið plebbalegt hjá Stöð 2 að vera í einhverjum kumböldum í miðju iðnaðarhverfi þegar það ætti að geta komið sér fyrir á fjölfarnari, meira áberandi stað, í hringiðunni.
En með brottför Moggans og fyrirætlunum Klasa undir forystu Ragnars Atla Guðmundssonar sem lengst af hefur haft umsjón með Kringlunni opnast ný og spennandi tækifæri. Sú hugmynd hefur nefnilega kviknað með mér undanfarið að kannski var það illa ráðið að fara ekki í öflugri uppbyggingu á Kringlusvæðinu undir merkjum ?Nýs miðbæjar? á sínum tíma. Kringlan er nefnilega alvöru miðbæjarsvæði að innihaldi en ekki að formi. Þar er leikhús, bíó, bókasafn, Skemmtistaður, Háskóli, fyrrnefndir fjölmiðlar og margt fleira sem margt fólk notar á hverjum degi. Það fólk á rétt á því að vel sé búið að umhverfi þess en það verður að segjast að heildaryfirbragð svæðisins alls er ákaflega ómannvænt enda hannað fyrir farartæki fólks en ekki fólkið sjálft. Í Mogganum í dag sem allsóforvarendis skúbbar fréttina um eigin flutning er rætt um ætlanir Klasa að byggja á svæðinu blandaða byggð sem verður gaman að sjá útfærsluna á. Og þá kannski stígur þróun svæðisins skref í betri átt íbúum og notendum svæðisins til hagsbóta.

Um bróður minn aftur

2004-12-08T12:52:00.000Z

Ég biðst afsökunar á því að hafa ekki getið heimilda þegar ég hlekkjaði á samskeyttu myndina af bróður mínum og Benna en einhver Snati ku eiga veg og vanda að mynd þessari.
Fólk er svo minnt á að kynna sér og kaupa jólaplötuna Stúf sem Atli gaf út nú á dögunum. Ég er búinn að hlusta á hana einu sinni eða tvisvar og get alveg óhikað mælt með henni, svo þykist ég vita að hún muni hafa mikið gildi sem safngripur í framtíðinni. Lagalistinn er svo:

1. Ókind: Jólakötturinn
2. Hermigervill: Jólasull
3. Topless Lation Fever: Göngum við í kringum
4. Doddi: White Christmas
5. Lokbrá: Ó, helga nótt
6. Atli &: Ristaðar kastaníur
7. bob: Clowns in Christmastown
8. Isidor: Jóla - jólasveinn
9. Hjaltalín: Mamma kveikir kertaljós

Með kaupum á plötunni ertu líka að hjálpa Mæðrasyrksnefnd sem hjálpar m.a. fátækum fjölskyldum að halda jól. Góð tónlist, góður málstaður og góð jól.

Tvífarinn bróðir minn

2004-12-05T16:01:00.000Z

Katrín (.is) benti á að Benni (ekki Benni vinur minn) hefur tekið eftir því að hann og Atli bróðir séu tvífarar eins og sjá má á þessari mynd. Ég verð þó að benda á að strangt til tekið er það fyrst og fremst skegg, hár og gleraugu sem eru með þeim samnefnarar og þar sem ég þekki báða í útliti án fyrrgreindra einkenna þá eru þeir nær ekkert líkir þannig.
Atli ætti að muna eftir Benna úr útskriftarveislu sem við sóttum báðir tveir í haust hjá Melkorku og Þórhildi en þar fór hann með gamanmál.

Fjöldamorð í röðinni

2004-12-04T18:29:00.000Z

Síðasta vetur var einn allra vinsælasti skemmtistaður Stokkhólms opnaður aftur eftir nokkurra ára hlé. Sture Compagniet við Stureplan var staðurinn til að vera á fram til ´94. Þar var tónlistin, fólkið og opið til 5 þegar hinir loka 3.
Svo var það fyrir 10 árum í dag að náunga var neitað um aðgang og að honum fannst var gert lítið úr honum fyrir framan alla röðina sem beið eftir að komast inn. Hann og félagarnir voru pirraðir, þreyttir og með kóla í nös, drifu sig heim og náðu í hríðskotara. Svo plöffuðu þeir niður 5 manns eins og ekkert væri, allt krakkar 21 eða 22ja ára gamlir.
Þetta lifir mjög í minningu Stokkhólmsbúa og ég hefði ekki getað komist hjá að heyra talað um þetta nokkrum sinnum þann tíma sem ég var þar úti. Reyndar gerðist það að dyravörður var skotinn í Kungsträdgården við svipaðar aðstæður þegar ég var nýkominn út. Biðraðir við sænska skemmtistaði eru ekki heilbrigðar.

Sultin

2004-12-02T22:45:00.000Z

Pólitíkin í stofnunum hér á landi er verulegar farin að fara í taugarnar á mér en það er svosem ekki það hættulegasta. Með pólitík í stofnunum meina ég ekki þá pólitík sem stofnanirnar reka heldur sú pólitík sem ráðamenn hafa um stofnanir.
Nýjasta dæmið er Náttúrufræðistofnun en nefna mætti Mannréttindaskrifstofu Íslands, Þjóðhagsstofnun og ætli listinn nái ekki út fyrir mitt takmarkaða minni. Ég hef trú á stofnunum að því gefnu að þær séu samkvæmar sjálfum sér, sjálfstæðar í vinnubrögðum og verkefnavali og vel fjármagnaðar. Vel á þá við bæði magn og gæði.
Stofnanir og samtök eru mikilvæg fyrir lýðræðið og umræðuna því þær hafa mátt til að standa upp í hárinu á stjórnvöldum án þess að þurfa að ganga erinda sérhagsmunaaðila heldur geta verið málsvarar almennings.
Tökum dæmið sem Náttúrufræðistofnun er. Þar eiga menn að hafa það fyrir stafni að safna upplýsingum um náttúru Íslands í allri sinni dýrð. Og að safna upplýsingum um svo víðfeðma dýrð kostar peninga, nokkuð mikla peninga, peninga sem raunar hafa aldrei verið til. Safnið er í bráðabirgðahúsnæði síðan fyrir einhverjum áratugum síðan. Helstu verkefnin hafa aldrei komið til framkvæmda. A.m.k. ekki fyrir rétta peninga. Helsti kostunaraðili náttúrufarsrannsókna hér á landi er... bam bam bammm Landsvirkjun. Og hvað þýðingu skyldi það hafa fyrir andmælarétt þeirrar stofnunar til dæmis þegar sökkva á friðlýstum svæðum eða einstökun náttúruminjum?
En meginniðurstaðan er að ef ríkisstjórnin ber niður þá sem henni eru ósammála þá kemur það þeim eða fulltrúum þeirra í framtíðarkynslóðum í koll. Einhverjir munu benda á að málfrelsi einkasamtaka mun sennilega alltaf virt í samfélagi eins og okkar og að þau munu geta haldið baráttunni áfram telji þau málstaðinn verðugan. Kannski eftir mikla vinnu og hörmungar já, þá er það í raun satt. En ég tel að ríkisstjórnin eigi að styrkja andstæðinga sína til að tryggja að ekki þurfi að berjast gegn áframhaldandi hörmungum heldur hafa styrkar stofnanir sem geta komið í veg fyrir hörmungar áður en berjast þarf gegn þeim. Því vinur er sá er til vamms segir. Og what goes around comes around en það er það hættulegasta.

Fullveldi með foresetanum og frú

2004-12-02T16:54:00.000Z

Ég gerðist svo æði mikið merkikerti í gær að fara í heimsókn til forseta íslenska lýðveldisins þangað sem mér var boðið ásamt öðrum forkólfum í stúdentalífinu. Þið munuð hafa séð mig á síðum Stúdentablaðsins undanfarið vænti ég og vegna þessa mikilvæga embættis míns var mér boðið að taka þátt í hátíðarhöldum stúdenta á Bessastöðum. Ég snapaði far með Magga kollega mínum á blaðinu og hans kærustu sem var í óðaönn að naglalakka sig í bílnum þegar þau flautuðu utan við Fálkagötuna. Hristingurinn var slíkur að við neyddumst til að koma við í apóteki og kaupa asetón og bómull. Dorrit sá svo ástæðu til að hrósa henni fyrir refinn sem hún bar um hálsinn þegar við heilsuðum þeim hjónum í Suðurstofunni.
Fólkið var að tínast inn, Páll Skúla, Ármann Snævarr, Vigdís Finnboga, Ingibjörg Sólrún o.fl. þegar Ólafur R. sló í glas og hélt tölu. Anna Pála hafði svo á orði að ræða forsetans hefði verið hressilega ólík þeirri sem hún heyrði hjá honum í haust þegar hún var þar vegna ICEMUN. Honum fannst það hressandi eins og við var að búast. Sjálfur var ég svo dasaður vegna blóðskorts og cava á fastandi maga að ég forðaðist umræðuefni sem kröfðust mikillar greiningar við.
Bessastaðir eru flott pleis með skemmtilegu bókasafni þar sem Dorrit stóð í djúpvitrum umræðum um Íraksstríðið og ástand heimsmálana við ýmislegt fólk með ýmsar skoðanir. Ég hafði mig lítið í frammi taldi mig geta lært meira af að hlusta en að blaðra.
Svo var tilkynnt hátt og snjallt af forsetans einkaþjóni að rektor skyldi halda tölu. Við sem höfðum þvælst upp á loft að skoða misfagra gjafir erlendra þjóðhöfðingja hentumst niður og hlýddum Pál pæla. Tölur dagsins voru á línunni sem gefin var fyrr um daginn ?Konur og fullveldi.? Páll bað konurnar í lengstu lög að beita okkur karlmenn ekki sömu kúgun og við þær þegar þær tækju við.
Forsetinn tilkynnti svo að hann myndi kveðja fólk í Suðurstofunni, kjúið gefið: allir heim.
Við Maggi, kærastan hans og Bragi Skafta fórum og slöfruðum í okkur tilboð B á Indókína til að fylla upp í snittuleysið í maganum.

Bolir og belgir

2004-12-01T12:20:00.000Z

Dieselsweeties eru með mjög kúl boli. Sjálfur er ég að spá í að fá mér "I had an iPod before you knew what one was" bolinn. Ég mæli líka með "My name is M.C. Menses and my flow be fresh" svo má ég til með að minnast á hinn sígilda sannleika "Nothing is any good if other people like it." Það á t.d. við um tónlist sem var kúl en fór svo í spilun á Effemm og varð instantly mainstream og hallærislegt drasl.
Nú til dags er það þó fágaðri skemmdarverkastarfsemi sem fer í mig og ber þar helst að nefna þegar gott vín fær einhvern drasl femin.is eða Bylgju bleðil á sig. Hver myndi í alvörunni kaupa vín sem er Fólk með Sirrý vín eða Bylgju vín?? Inga skammaðist sín bara niður í gólf um daginn þegar hún áttaði sig á að vínið (Rosemount Cabarnet/Merlot gott eitt og sér) sem hún hafði keypt var vín mánaðarins hjá femin.is... Ég meina maður gerir ekki svoleiðis mistök tvisvar.

Apple ryður brautina

2004-11-25T15:12:00.000Z

Viðmótshönnun á la iTunes smitar út frá sér og hefur ruðið sér inn í leit í annars konar söfnum. Sente er forrit sem leitar í vísindatímaritum og gagnasöfnum. Gæti komið sér vel við háskólarannsóknir og svona.
Svo rakst ég ritvinnsluforrit sem er í LaTex stíl. Fyrir þá sem ekki þekkja LaTex þá er það einskonar html mál nema fyrir ritað mál um tæknileg eða stærðfræðileg mál enda auðvelt að beita allskyns táknum. Þetta forrit heitir allaveganna Ulysses og leyfir manni að sleppa undan umbrotsoki nútíma ritvinnsluforrita, skilur textann og umbrotið að svo hugsunin haldis hrein.

Og eitt annað

2004-11-16T09:19:00.001Z

Í tilefni af degi íslenskrar tungu verð ég með eitt af mínum sívinsælu tungumálahornum, þessir pistlar hafa stundum sett þjóðfélagið á annan endann en í ár mun ég einbeita mér að því jákvæða sem gerzt hefur í málrækt á Íslandi.
Auðveldast væri að sjálfsögðu að benda fingri til austsuðausturs til Danmerkur og segja: ?Ha! Við erum betri en þið í málrækt.? En það væri nú ekki neitt til að bera sig saman við því allir vita að Danir vinna skipulega að niðurrifi síns tungumáls. En nóg af Danarógi.
Ég sá það t.d. í rannsóknum mínum á gömlum blöðum í gær að fyrir miðja síðustu öld var ekki til orð fyrir gulrætur heldur voru þær kallaðar ?carrotur.? Flestar stéttir (að kvikmyndaframleiðendum undanskyldum) hafa innan sinna raða mjög svo virka nýyrðasmiði sem hjálpa til við að gera sértæk orð skiljanleg á tungumáli sem er okkur eðlilegt.
Svo held ég að draga megi þá ályktun að stafsetning og greinarmerkjasetning sé mun betri í dag en fyrr í nútímanum eða svo er að minnsta kosti mín reynsla þegar ég skoða eldri texta sem ekki hefur sætt stífri ritstýringu.
Mörg fyrirtæki vinna hörðum höndum að því að íslenska vinnu sína og framleiðslu og vöktu tvö þeirra athygli á sér í Mogganum í morgun: Apple búðin svo og AEG (Bræðurnir Ormsson)sem hafa þýtt og staðfært stýrikerfi tölvu annars vegar og þvottavélar hins vegar. Virðingarvert framtak og móðurmálsunnendur ættu að sálfsögðu að beina viðskiptum sínum til þessara fyrirtækja.
Fréttir af degi íslenzkrar verða birtar jafnóðum og þær berast.
Til hamingju með daginn Jónas H!

Og eitt annað

2004-11-16T09:19:00.000Z

Rannsóknardagur

2004-11-15T20:52:00.000Z

Nokkuð fróðlegar (aldrei þessu vant) umræður um framtíð RÚV á stöð 1. Ekki að það komi lesendum Sjálfmiðlunarinnar á óvart en ég er mikill stuðningsmaður ríkisútvarps yfir höfuð. Mér finnst báðar rásir hljóðvarps alveg hreint afbragð svona yfirleitt. Ég varð fyrir þeirri leiðinlegu reynslu að stilla á Bylgjuna þegar ég var að bíða eftir fréttum og tónlistarvalið var svo hræðilegt að ég er enn að jafna mig. Mig minnti að þetta væri svona þar á bæ.
Dagurinn fór mikið í rannsóknarvinnu fyrir 80 ára annál Stúdentablaðið þar sem ég kíkti gegnum bæði gamla Mogga og Stúdentablöð. Meðal þess sem ég lærði þar var að Converse skór (reyndar stígvél) hafa verið seld síðan 1920 eða fyrr hér á landi. Sama gildir um Royal lyftiduft. Þá var það nokkuð merkilega til siðs að tilkynna um trúlofanir og brúðkaup stúdenta í Stúdentablaðinu. Ég verð nú að segja að það er bara nokkuð kósí að sitja yfir gömlum skjölum á Þjóðdeild bókhlöðunnar. Ég naut þar liðsinnis Braga bróður hans Eika sem ætti reyndar að fá tölvupóst frá mér bráðum... Eiki er ekki gleymdur ég bara hef ekki komið hugsunum til hans í ritvinnslu.

Ótrúlegur listamaður

2004-11-10T09:17:00.000Z

Ég má til með að benda á hreint ótrúlegan listamann; ljósmyndarann, kvikmyndagerðarmanninn og MH-inginn Börk Sigþórsson. Ég hefði svo sem mátt vita að hann væri starfi sínu vaxinn en þessar myndir eru bara eitthvað meira. Mystísk áferð á öllu og lokkandi sögur í syrpunum.

Ófrelsi vals

2004-11-09T12:04:00.000Z

Stílgúrúinn og menningarspæjarinn Tyler Brûlé sem bar hitann of þungann af *Wallpaper meðan það var undirstöðurit í öllu sem var að gerast ca. 2000 skrifaði grein í NY Times Style. Hann spáir fyrir um komu über markaðsins til að leysa súper markaðinn af. Og nei ekki er spáð að valið aukist heldur dragist saman, fókúserist. Hann hefur séð það sem ég hef oft haft á tilfinningunni að minna val sé minna vesen. Einhverjir frakkar reyndu að sannfæra mig s.l. vetur um að einhverjir kostir fylgdu því að geta eytt korteri í að velja sér jógúrt, ég var ekki sannfærður.

I stood stunned in the juice section, unable to shake a single, disturbing thought: Erich Honecker's East Germany did have its upside -- a luxurious lack of choice.
[...]
At some point a worthy, right-minded think tank will mount a global survey about which nations spend the most time aimlessly meandering supermarket aisles. My guess is that the United States will top the list by a significant margin.
[...]
The smartest of the bunch would take the daring step to invest in a radical rethink of the whole supermarket experience and commission a study to come up with a food store that woos customers not with endless aisles of competing labels, but with a limited assortment of both essential and exclusive products.

En þetta er í sjálfu sér ekkert vandamál hér á landi, síður en svo. Ég held að Tyler ætti að heimsækja Melabúðina til að þróa þessa hugmynd sína.

Langlundargeð eða launaleysi?

2004-11-07T09:02:00.000Z

Við skötuhjúin vorum að slafra í okkur laugardags burrito yfir Spaugstofunni sem er nú alveg ágæt endrum og sinnum þótt ekki væri nema að þeir einir fjalla um málefni líðandi stundar. En þar var sem sagt fjallað um þetta fræga langlundargeð og mótmælaógleði mörlandans. En hvernig er þessu nú eiginlega háttað? Láta Íslendingar ganga yfir sig mótmælalaust og gleymum við yfirganginum í einni svipan? En hverjir eru það þá sem alltaf eru að mótmæla úti í heimi sem við svo þráum að vera eins og? Varla eru það Kanarnir og ekki eru það Kínverjar svo mikið er víst. Svíar sem eru mjög meðvitaðir og mótmælaglaðir segja það nákvæmlega sama og Íslendingar, aldrei getum við risið upp og mótmælt... Allir virðast líta til Frakka í þessum efnum en ég er sannfærður um að meðal frakkinn fer ekki oftar út á götu en Svíi eða Íslendingur þótt einn og einn bóndi sé frægur fyrir að gefa skít (bókstaflega) í McDonalds og þótt flutningakerfið sé iðulega óstarfhæft. Og sannast sagna get ég ekki séð að þessir frakkar hafi það neitt betra en við sem mótmælum minna.
En á þessu er þó annar flötur og það er það hvernig að mótmælum er staðið. Eru mótmælin það sem að gert er þegar fólk er úti á götu með borða í hönd og slagorð í munni eða eru þau bara holdleg birting þess starfs sem unnið er í gagnasöfnun og tilraunum til að hafa áhrif á valdsmenn og hagsmunaaðila? Er ekki málið það að í stærri samfélögum eru bæði sjálfstæðar og ríkisreknar stofnanir sem vinna að því allan ársins hring að standa vörð um ýmis hagsmunamál almennings. Safna, túlka og miðla upplýsingum sem nýtast í baráttu fyrir hinum ýmsu málum. Svona lobbýista, watchdog, hagsmunasamtök eru jú bara ekki til hér nema í mýflugumynd. Mannréttindasamtök Íslands eru ein slík regnhlífasamtök og þau standa nú ekki svo vel , voru svipt sínu fjármagni frá dómsmálaráðuneytinu. Bæði ríki og almenningur þurfa að styðja svona starfsemi til að bæta samfélagið.

Endurvakin vitleysa

2004-11-06T13:45:00.000Z

Fyrir einum þremur árum eða svo var gert mikið húllumhæ og margar þrívíddartölvumyndir teiknaðar af einhverju sem kallast átti þekkingarþorp á Urriðaholti. Þar fór fyrir skildi náungi frá Navís Landsteinum sem ég man nú ekki hvað heitir í svipinn. Hans vopnasystir var Ásdís Halla bæjarstjóri í Garðabæ. Urriðaholt er sem sagt í Garðabæ og hverjum sem er mun fyrirgefið að þekkja ekki þetta holt í hraunbreiðu sem átti að verða að miðstöð þekkingariðnaðar á Íslandi.
Nú vil ég ekki taka frá fólki draumsýnir og metnað um merkar framfarir á litla landinu okkar en mér þykir best að neyta míns metnaðar með hæfilegum skammti af raunsæi. Þessar hugmyndir komu undir í samneyti væntinga og tækniframfara sem risu sem hæst hér um aldamótin og áttu sér samsvörun í Kópavogi og Reykjavík þar sem vísindagarðar sem þessi voru ráðgerðir. Kópavogur féll frá sínum hugmyndum og ætlar að byggja íbúðablokkir þar sem vísindagarðar í Lundi áttu að vera og ég hélt sannast sagna að Garðbæingar hefðu séð fáránleikann í þessu þegar allir aðrir höfðu vaknað af bjartsýnisfylleríinu og hugsuðu með sér eilítið sárir á sál og líkama og dálítið sorrí, sjitt hvað var ég að spá?
Ég sótti fund um þetta mál á sínum tíma og varpaði þar fram þeirri spurningu hvort Ásdís Halla og Co. hefðu nokkuð rætt áform sín um að HÍ myndi opna útibú með tæknideildum sínum við nokkurn þar eða kannski bara hjá Menntamálaráðuneytinu. Nei ekki höfðu þau svo sem hugsað fyrir því þá og frú Bæjarstjóri var svo impóneruð af þessari áleitnu spurningu minni að hún sá ástæðu til að nálgast mig eftir fundinn og spyrja mig nafni og stöðu. Og jú það stóð heima að þar sem ekki stóð til að stofna neinn háskóla á svæðinu að þá varð ekkert úr þessari djörfu hugmynd.
Og svo jafn harðan og fréttist af væringum á Háskólamarkaði eru þessar zombí hugmyndir dregnar fram í dagsljósið og að þessu sinni eru skissurnar bara blýantsteikningar. Ekki veit ég hvort þessi æsti tölvunjörður frá Navís Landsteinum (sem heitir eitthvað allt annað í dag held ég) hafi egnað frú bæjarstjóranum út í þetta ævintýri líka en ég get ekki gert að því að taka eftir því að zombíið virðist skammast sín svo afhjúpað í dagsbirtu, eins og það var nú sæmilega álitlegt í myrkri og vímu á sínum tíma.
Spurningarnar eru bara, af hverju í ósköpunum ætti verkfræðideild HR að flytjast í Garðabæ á óbyggt svæði með öllu? Af hverju ætti fámennt land að dreifa athygli sína í marga þekkingargarða þegar skipulag slíkra eru komnir langt á leið í Vatnsmýrinni? Af hverju ekki að taka sameiginlega þátt í einni öflugri einingu, fær um að svara alþjóðlegri samkeppni? Og svo eru einhverjir Framsóknarmenn að röfla um að flytja rannsóknarstofnanir atvinnuveganna út á land til að styrkja landsbyggðina... ó grimma veröld.

Hvað með hina?

2004-11-05T15:11:00.000Z

Mér þykir fremur leitt hvernig komið er fyrir Þórólfi borgarstjóra núna. Það verður eftirsjá af honum úr borgarstjórastóli þegar (ef) hann stígur niður. En ég skil bæði hans afstöðu og þeirra sem ekki bera sama traust til hans nú eftir þetta olíusamráðsmál. Þegar litið er yfir málið er samt alveg ljóst að hann er nú vart nema peð þegar litið er til umfangs málsins og til þess hversu langan tíma þessir viðskiptahættir hafa viðgengist.
Markverðast í umræðunni síðustu daga er ekki þáttur Þórólfs heldur skortur á upplýsingum um þátt hinna: Einars Benediktsonar, Hjörleifs Jakobssonar og Kristinns Björnssonar. Af hverju eru þeirra nöfn og andlit sett á þetta mál frekar en Þórólfs?

Einar Benediktson

Sameiginlegt

2004-11-05T09:41:00.000Z

Ef þú hefur einhvern tímann velt fyrir þér hvað öll samfélög eiga sameiginlegt í heiminum þá er hérna listi.

Meira gosið

2004-11-02T13:39:00.000Z

Bragi vinur minn er að leika Miegnon eða eitthvað svoleiðis og það virðist hafa valdið eldgosi í Grímsvötnum.
Það er verið að tala um að kaupa bara bensín hjá stóru olíufélögunum til að láta þeim svíða aðeins illa meðferð á fólki. Fyrst þegar ég sá þetta í morgun kveikti ég ekki alveg á hugmyndinni og hélt að fólk ætlaði að hætta að kaupa olíu hjá þeim kaupa bara bensín. Nei hugmyndin reyndist sem sagt vera að kaupa ekkert nammi, engar pulsur og þannig. Ég get nú komið með svo sem nokkur ráð sem mér þykja róttækari.
*Kaupa ekkert bensín og nota hjólið
*Kaupa ekkert bensín (beint) og taka strætó
*Kaupa bensín hjá Atlantsolíu
En ég spái því þó að mesta slagkraftinn í hefndaraðgerðir olíuneytenda komi frá útgerðarfélögunum. Íslensk Olíumiðlun, tiltölulega nýtt fyrirtæki gæti nýtt sér þessa stöðu og fær eflaust velvild fiskiskipaflotans í kjölfarið.

Corporation nation

2004-10-28T09:57:00.000Z

Loksins lét ég verða af því að sjá The Corporation í gær. Þetta er alveg rosaleg mynd með ákaflega mikilvægan boðskap að mínu mati. Meira að segja The Economist segir um myndina að hún sé "Surprisingly rational." Margt af því sem fjallað er um hafði maður svo sem kynnt sér áður gegnum No Logo sem kemur reyndar við sögu því höfundurinn Naomi Klein er einn af viðmælendunum, en það sem er merkilegt í sjálfu sér er nálgunin í frásögninni. Fyrst er sagt frá því hvernig fyrirtækin voru fljót að nýta sér 14. viðbót bandarísku stjórnarskrárinnar um frelsi til athafna og eignarrétt sér í hag og létu skilgreina sig sem lögaðila með stöðu einstaklings. Fyrir lögunum varð fyrirtæki sem sagt einstaklingur og með það í huga hlýtur að mega skilgreina fyrirtækið frá öðrum sjónarhornum sem einstakling. Svo eru rakin dæmi eitt af öðrum og sýnt fram á það að fyrirtækið er í raun sýkópati, siðblindur eyðileggingarseggur, tilfinningakaldur og án getu til að skilja eða mynda varanleg sambönd við annað fólk.
Ég mæli með að þú drífir þig í bíó í kvöld ef þú átt þetta eftir lesandi góður.
Svo af því að ég er nú aðdáandi örfárra stórfyrirtækja þá vildi ég benda á þessa iPoda sem eru ótrúlega fyndnir.

Bondað á Sunnudegi

2004-10-25T12:19:00.000Z

Við Inga erum alveg með sunnudagskvöldin frátekin til að bonda, þ.e. að horfa á Bond og reyndar Krónikuna og Practice líka. Alveg hreint unaðsleg dagskrá að horfa á. Skjár Einn gegnir nú mikilvægu hlutverki í menningarlegri uppfræðslu þjóðarinnar með því að sýna þessar gersemar menningarsögunnar sem James Bond myndir eru í krónólógískri röð. Að fylgjast með þróun og ekki þróuninni er stúdía út af fyrir sig. Það fór ekki fram hjá neinum að 8. áratugurinn með sínu fönki, vúdúi og almennum sálarlátum var runninn upp í Live and let die. Sú var nú eiginlega of léleg samt, enda eru þær æði misjafnar myndirnar. Fyrri Bondgellan, Rosie var bara aðeins of heimsk og gerði Solitaire (seinni bondgellan)ólíkt betri í samanburðinum þótt hún hafi nú eiginlega verið mjög léleg líka. Og alltaf skal einhver bófinn reyna að taka Bond af lífi með hákörlum og segja honum öll sín plön og leyndarmál áður en aftakan mistekst.

Bent á eigin mistök

2004-10-24T16:58:00.000Z

Skipulagssvið borgarinnar hefur séð ástæðu til að gera upp eigin mistök í fortíðinni og má sjá veggspjöld í kynningarskálanum við Borgartún og svo hér á netinu.
Það er dálítið sérstök framsetning á þessu, dulítið eins og almenningur hafi haft eitthvað um málin að segja sem er í raun alrangt því ekki er hægt að velja stefnu sem er nær ekki til. En upplýstur borgari er góður borgari.

Helgarplan

2004-10-15T11:26:00.000Z

Jæja er þetta að verða svona færsla á föstudögum blogg...
Kíkti í bæinn í gærkvöldi, eitthvað sem ég hef ekkert verið að gera undanfarnar vikur. Hitti Níels, Gauja og Stebba félaga þeirra á Sirkus sem var nú alveg stórfínt. Téður Stebbi er fínn gaur, náungi sem hefur menntast gegnum reynslu sína og hefur fyrir vikið ákaflega jarðbundna en frjálsa sýn á heiminn. Það getur verið mjög hressandi að hitta fólk sem er ekki háskólagengið svona for once, það safnast ekki upp jafn mikið drasl í hausnum á fólki sem hefur haldið sig fjarri skólum.
Þetta eru verkefna og tilraunadagar í skólanum núna svo ég held mig mest hér ef einhver skyldi vera að velta fyrir sér af hverju ég er ekki að hleypa öllu upp á börum bæjarins. Svo er maður orðinn svo metnaðarfullur í lærdómnum ha!
Ég held að plan helgarinnar sé eitthvað á þessa leiðina:
Bingó hjá 3. árs Byggingaverkfræðistúd. kl 8 í kv.
Svo haldið í partí hjá mínum gamla árgangi í verkfræðinni
Morgundagurinn gæti falið í sér ferð á Draum á Jónsmessunótt hjá Orra Hugni vini mínum og félögum hans í Leiklistard. LHÍ.
Eða þá að ég mæti tímanlega í innflutningspartí hjá Ester vinkonu Ingu.

Að fara í þrot á holtinu

2004-10-04T08:44:00.000Z

Því var slegið upp á forsíðu Fréttablaðsins fyrir helgi að þriðjungur allra verktaka sem byggðu á Grafaraholti hafi orðið gjaldþrota. Áður hefur lóðum verið úthlutað með vel þekktum afleiðingum en nú eru ?ær látnar hæstbjóðanda í té. Reynt var að láta þetta líta tortryggilega og fúlmannlega út eins og að það væri á einhvern hátt ekki byggingaverktökunum sjálfum að kenna.
Nú er það bara þannig að þegar vörur skipta höndum, veri það húsnæði, lóðir eða Snickers að þá verður fólk bara að vita hvað það er að gera og kaupi það hlutinn á röngu verði getur það engum um kennt nema sjálfum sér. Þetta á að sjálfsögðu ekki við þar sem brögð eru í tafli en slík vi?skipti kallast svik.
Hvernig dettur ?essum byggingamönnum í hug að kaupa lóðir á verði sem ekki er hægt að leggja til grundvallar íbúðarverðinu sem á að selja á? Hvernig dettur ?eim í hug að ráðast í fjárfestingar og framkvæmdir án þess að verða sér úti um viðeigandi fjármögnun?

Við getum hugsað okkur dæmi: Að ég hafi fengið tilboð um að kaupa nokkra kassa af Snickersi og að fara muni fram uppboð. Boðið hefst á 30 kr stykkið og hækkar og hækkar uns ég sé fram á að verða aðkaupa á 250 kr/stk. ellegar sitja auðum höndum næstu mánuði. Hver myndi svo kaupa Snickers af mér á 250 kr í heildsölu? Ekki þú? Var það uppboðshaldaranum að kenna að ég keyptiSnickers á 250 kall stykkið og get ekki selt það og sligist undan láninu sem ég tók fyrir gúmelaðinu?

Það er bara svo greinilegt að skortur á tilteknum eiginleika íslenskra iðnaðarmanna er farinn að koma þeim í koll. Þessi eiginleiki er fagmennska, þá er ég ekki að lasta handbragð þeirra heldur getuna til að taka ?átt í viðskiptum fagsins. Alveg er ég viss um að þeir verktakar sem réðu sér fjármálaráðgjafa eða gerðu sér grein fyrir því hvar þeirra mörk lágu með einum eða öðrum hætti hafi ekki farið undir í þessum sjálfsögðu og eðlilegu viðskiptum.

2004-10-01T14:49:00.000Z

Já ég ætlaði víst að segja með vísan til síðustu fyrirsagnar að mér finnst föstudagar alltaf hálfgerðir non dagar.

Nonplace non dagur

2004-10-01T14:09:00.000Z

Á ofni sannleikans er dálítið verið að ræða non places, ekki staði, staði sem eru án samhengis við sitt náttúrulega umhverfi, tengjast ekki sögu eða menningu þess staðar sem þeir eru á. Þetta eru fyrst og fremst staðir sem fólk úr öllum áttum sækir flugvellir, hótel, hraðbankar, súpermarkaðir og þess háttar. Ætli það sé ekki best að lýsa svona stöðum með því að myndir af þeim veita nær engar upplýsingar um hvar þeir eru; þeir gætu verið hvar sem er.
Margir hafa haft áhyggjur af því að svona staðir séu farnir að gleypa heilu bæjarhlutana, að engin sérstök einkenni sé að finna á t.d. einni göngugötu í miðbæ í Evrópu miðað við aðra. Sömu búðarkeðjurnar, matsölustaðirnir og allt það en lítið eftir af staðbundnum séreinkennum.
En er ekki líka í þessari skoðun sú hugmynd að þetta "sérstaka," þessi staðbundnu einkenni séu þjóðareinkenni? Og má kannski segja að Kebab búllur í Norður Evrópu séu dæmi um svona Non place? Nú eru kebab búllur flestar hver annarri líkar, sjálfur er ég ötull kebab hakkari en þykir fábrotinn munur á Kebab Stockholm, King of Kebab í Kaupmannahöfn og áþekkum stöðum í London eða Sevilla. Ekki meiri en á Zara í Reykjavík og Zara á Spáni ef út í það er farið. En þessir staðir eru allir sjálfstæðir en sprottnir úr svipuðum aðstæðum því um er að ræða arabíska innflytjendur sem standa í rekstrinum. Eru þessir staðir þá ekki óriginal birtingarmynd tiltekinnar menningar, ósnortnir af fjölþjóðarisafyrirtækjum? En þessir staðir koma engu að síður alveg eins fyrir sjónir sem óljós staður, úr samhengi við sitt umhverfi a.m.k. í stærra tilliti. (Í smærra samhengi má reyndar segja að t.d. King of Kebab sé í fullkominni harmóní við sitt næsta umhverfi á Nörrebro.) Eru þá ekki andstæðingar Non places í raun og veru að segja að þeir séu á móti innflytjendum?
Það merkilega er að sjálfsögðu líka það að fólki finnst alveg hreint magnað að koma í búðar og matsölukeðjur um víðan heim. Margir hreint þrá að sjá hvernig McDonalds er á Íslandi, Finnlandi og Ameríku í samanburði við sitt heimaland. Því þessir staðir sníða sér líka stakk eftir vexti og breyta einu og öðru smáatriði fyrir hvern stað, hverja búð. Vissuð þið að í Finnlandi er einn vinsælasti borgarinn á Makkanum McRuis? Rúgbrauðs borgari! Og að sjálfsögðu eru engir nautaborgarar á Indlandi, enda væri það svona svipað og ef hér á landi væru bara lóuborgar. Hver heimsækir ekki H&M búðir í hinum stóru miðborgum heimsins? Hver vill ekki sjá hvað sænsku fatasalarnir vilja selja Parísarbúum en ekki könum? Og hver er þá núna orðinn sveigjanlegur og í anda hvers staðar fyrir sig ef það var þá nokkurn tímann krafa almennt?
Þetta er að sjálfsögðu hluti af þessari Alþjóðavæðingu sem er verið að tala um og ætli manni verði ekki seint láð að ruglast í ríminu þegar þessi mál ber á góma. Ég hef í hyggju að kaupa mér bráðlega rit sem fjallar öðrum þræði um þessi mál Af okkur heitir bókin og er önnur Af bók Nýhils. Ég býst ekki við að þar verði nein sérstök svör að finna, ég hef bara svo gaman af að sökkva ruglingnum í hausnum á mér í bók.

Martröðin byrjar

2004-09-29T17:34:00.000Z

Málsóknir í anda RIAA eru hafnar á Íslandi, fleiri aðgerða að vænta. Ég bjóst sannast sagna ekki við að þessi vitleysa myndi berast hingað til lands en einhvers staðar eru til slík máttaröfl sem krefjast aðgerða. Ætli það sé ekki komið að því að stofna þurfi EFF á Íslandi.
Því miður er það ekki að neinu leyti í þágu samfélagsins að gera þróun ólöglega þótt ég átti mig á því að tónlistarbransa fólk hafi áhyggjur. Staðreyndin er þó sú að það félag sem stendur fyrir nær öllum innflutningi á tónlist hingað til lands hefur farið illa með einokunarstöðu sína og ekkert skrýtið við að fólk sniðgangi það kerfisbundið.
Nú er komið upp enn eitt flókið vandamál að setja sig inn í... uppgangstímar hjá lögfræðingum framundan.

Einföld heimsmál

2004-09-29T11:43:00.000Z

Þegar setningin málin eru ekki svo einföld skýtur upp kollinum einhvers staðar nálægt pólitískri umræðu þá er það fyrst og fremst til marks um það að sá sem lét orðin falla sé ekki alveg með á nótunum. Ekki það að mál séu nokkurn tímann einföld í heimsmálum, siðfræði eða pólitík; þvert á móti og því er algerlega gagnslaust að minnast á það því það liggur í augum uppi.

Ég er að vinna í smá rannsóknarvinnu um verkfræðinám og sá þar svart á hvítu rosalega aukningu nýskráðra stúdenta árið 2000 og áfram. 1998 voru ca 150 nýskráðir, 1999 ca 190 og svo 2000 voru tæplega 350 nýskráðir í verkfræðideild. Kannski ekki skrýtið að bekkirnir hafi stækkað verulega og að manni hafi þótt þröng á þingi stundum. Merkilegt verður að sjá hversu mikið útskriftir aukast svo.

Bókin á náttborðinu eða öllu heldur á gólfinu við hliðina á rúminu þar sem ég á ekki náttborð er Saga Borgarættarinnar eftir Gunnar Gunnarsson. Það sem af er er ég bara nokkuð hrifinn. Gunnar fer nokkuð hratt yfir sögu svo að maður dregst að sögunni en skilur persónurnar samt ekki útundan. Þetta er sko ekki Seabuiscit neitt. Það er nokkuð merkileg kvikmyndastúdía, sum atriðin í henni eru svo stutt en þó mikilvæg að maður getur misst af öllu plottinu ef maður geispar á röngum stað. Við Eiki og Mummi horfðum á hana um daginn og Mummi missti af heilu brúðkaupi meðan hann var að fá popp úr skál og hella kóki í glas.

Helgin í uppgjöri

2004-09-27T17:22:00.000Z

Liðin helgi var bara ekki slæm. Heiðurslistamennirnir Benedikt og Eiríkur litu við á Falcon street og ég eldaði ofan í þá Risotto eins og það væri bara ekkert mál. Inga var nú á svæðinu en dáldið fjarlæg þar sem hún var að drífa sig á opnun Nordisk Panorama. Við ýtarnir reyndum að klára kanadíska vínið sem Eiki keypti en án árangurs og við opnuðum einhvern ítala í staðinn sem var mun betri. Ég hvet lesendur til að kaupa ekki þetta kanadíska dót enda var það fyrst og fremst keypt fyrir miðann með mynd af fljúgandi íkorna á. Við hentumst svo niður í Norræna hús þar sem þeir áttu að spila strákarnir og ég heyrði í fyrsta sinn Benna Hemm Hemm spila með sínu bandi sem er stórbrotið í alla staði. Þar var líka góðvinur okkar Mummi Thoroddsen með tvö málverk á veggjum í hans einkennandi bleika lit með sérlegum táknum og dítöljum sem eru ætíð sannir.
Ég spurði Lóu hvort hún hefði fengið teiknimyndasögurnar sínar. Hún horfði bara forviða á mig og spurði mig hvað ég ætti eiginlega við. Ég endurtók og hún endurtók en ekkert þokaðist í skilningi okkar á milli. Þetta sló mig alveg út af laginu því ég hafði bara gert ráð fyrir að hún myndi tengja við bloggfærslu sína fyrr um daginn. Vandræðalega sagðist ég lesa bloggið hennar við og við. Þá tengdi hún og fannst óskaplega fyndið að ég skyldi lesa bloggið hennar. Ég snérist á hæl og ákvað reyna ekki að koma með óvæntar samræður við fólk aftur það kvöldið.
Svo brunaði ég með Eika og Ástríði á Þjóðleikhúskjallarann eftir að hafa hellt yfir mig hvítvíni í bílnum hans Níelsar. Ekki var nú sála mætt þegar við komum enda ekki búið að opna, svo sat maður bara rólegur og byrjaði að finna stemmninguna hellast yfir (ásamt þreytunni að vísu). Ég var alveg farinn að geispa í hléi Nix Noltes og fór heim. Hefði sennilega rignt niður í rokinu ef ég hefði ekki verið í mínum trausta, vatns og vindhelda Burberry frakka. Ég held að fellibylirnir Ivan og Jónína hafi verið að dandalast sín hvoru megin við Skothúsvegsbrúna þegar ég labbaði heim.
Laugardagurinn fór í að vera heima fyrir utan að ég fór á aðalafund Sögufélags alveg óvart, hafði það engan veginn í hyggju en endaði þar samt þegar ég ætlaði að fræðast um íslenskan aðal, ekki bókina.

Hvað er það?

2004-09-17T15:44:00.000Z

Ég hóf daginn á morgunverðarfundi ?Borgin í býtið? þar sem verið var að fjalla um ferðavenjur Reykvíkinga með áherslu á umferðaröryggi barna. Margt merkilegt var kynnt þar, Ómar Ragnarsson sprellaði fyrstur með smá tölu um naumhyggju í ferðastíl. Svo var hann rokinn med det samme til Egilsstaða. Talandi um að vera mínimalískur. Merkilegast var svo erindi Haralds Sigurðssonar, skipulagsfræðings sem er að ég held lærður í Kanada ef minnið bregst ekki, en hann sagði frá könnun sem var gerð á ferðavenjum í mismunandi hverfum og bæjarfélögum á höfuðborgarsvæðinu. Merkilegast þótti mér að sjá hversu miklu fleiri börn ganga í skólann þar sem göngunetið er algerlega aðskilið frá akandi umferð eins og tíðkast í öllum nýrri hverfum. Nema þó í mínu gamla hverfi Fossvogsdal sem var einmitt fyrsta hverfið hér í bæ sem hannað var eftir þeim fræðum. Þar eru mjög mörg börn keyrð í skólann en ástæðan að vissu leyti óljós.
Ég beindi spurningu til Ólafs Bjarnasonar en fékk engin viðhlítandi svör enda kannski ekki tóm til og benti svo á að þótt ofdekur í umferðarmannvirkjagerð væri ein ástæða fyrir þessari brjálæðislegu bílaeign og notkun hér að þá væri hugarfar líka ríkur þáttur og nefndi tvö dæmi máli mínu til stuðnings. Í fyrsta lagi þá hef ég oft orðið vitni að því að fólk er reiðubúið að bíða í á annan tíma eftir að verða sótt af einhverjum á bíl áður heldur en það gengur eða tekur strætó á leiðarenda. Hitt dæmið er að það gerist í alvörunni að fólk keyrir frá stúdendagörðunum í VR-II. Meira þarf vart að segja, svona hegðun jaðrar náttúrulega við brenglun. Annað nýlegt dæmi er af pari í Verkfræðinni sem koma á sínum bílnum hvert í skólann... mig skortir orð (og ég skyldi halda að þau skorti peninga...).
En jæja nú er liðin straumfræði og líkamsrækt síðan þá og ég er farinn að huga að mat fyrir kvöldið. Skyldi það verða spagettí með bökuðum tómötum og hvítlauk eða lambafilé eða bæði? Skyldi ég fara á Apparat Orgel kvartett í kvöld? Svo margar spurningar og svo mörg svör...

Back with a blast

2004-09-16T15:19:00.000Z

Já kæri vinur, ég er kominn á tölvuskjáinn þinn eftir sumarfrí. Það hefur tekið mig smá tíma að komast í réttan gír en nú er drifskaft ritvélarinnar sem ég er tengt og ekkert stöðvar þetta stóreflis rittæki sem hugurinn er í að koma sínu út á prent.
Ég vildi bara minnast á nokkra hluti sem hafa vakið athygli mína í morgun:

Umhverfisráðherrar þurfa sennilega að klæðast hvítum jökkum enda bæði Siv og Sigríður Anna í slíkum á Ríkisráðsfundi. Sjá myndir á bls. 2 í Mbl. í dag.
Þorgerður Katrín er ekki hrædd að flíka sínum rauðköflótta jakka sem hún hefur tekið með sér úr tískuþætti Tímarits Mbl. Sjá ofangreindar myndir ásamt forsíðu Tímarits Mbl síðan um síðustu helgi.
Karlkyns ráðherrar eiga bara svarta jakka. Sjá einnig sömu myndir og í fyrsta punkti.
Sverrir Hermannsson skiptir enn við Landsbankann en hefur flutt sig í Vesturbæjarútibú úr Aðalútibúi eftir laxa fíaskóið þarna um árið. Eða kannski var hann aldrei í viðskiptum meðan hann var bankastjóri en treystir fyrst nú Landsbankanum fyrir sínu fé?
Ove Sprogöe er látinn. Hann var hinn eini sanni Olsen úr Olsensbandinu einhverri alskemmtilegustu kvikmyndaseríu sögunnar. Ég tárfelldi nær þegar ég sá Olsens bandets sidste stik hér um árið því ég fann áþreifanlega fyrir kaflaskilum í kvikmyndasögunni. Ég held að ég reyni að efna til minningarkvölds um Olsen um helgina. Áhugasamir (þ.e. þeir sem eiga vídeótæki, a.m.k. eina mynd með Olsens bandinu og þægilegan sófa) vinsamlegast hafið samband.

Dóri í Kastljósinu

2004-08-19T22:01:00.000Z

Halldór reyndi að verja sínar ráðstafanir (sjá fyrra blogg) og gat eigi. Hans besta nálgun við svar var að það þurfi að velja þá sem ráðherra sem eiga bitlinga von og teljast til innri hrings flokksins. Jafnframt tók hann fram að ráðherrar væru ekki valdir vegna hæfileika sinna og notaði þar líkinguna "Ráðherrar eru ekki ráðnir eins og forstjórar einkafyrirtækja."
Siv sagði í raun beint út að sér hefði verið hafnað vegna þess að hún er kona:

?Þessi niðurstaða er reyndar þvert á samþykktir helstu stofnana flokksins, eins og flokksþings, kvennanna og ungliðanna okkar líka og hún er ekki í anda þess sem við höfum viljað sjá í kjördæminu, við framsóknarmenn. Og reyndar er niðurstaðan líka þvert á allar þessar almennu hefðir sem miðað hefur verið við þegar ráðherrar eru valdir. Það er alveg ljóst að það þarf að efla jafnréttisumræðu í landinu, að mínu mati."

Eða af hverju skyldi þurfa að efla jafnréttisumræðuna í landinu í kjölfar þessa máls?

Framsóknarvesenið

2004-08-18T14:57:00.000Z

Ekki það að ég vilji vera að reka nefið óþarflega mikið ofaní Framsóknarkoppinn svona ef eitthvað af fýlunni skildi verða eftir í nasaholunum en Framsóknarkonur hafa borið tiltekið vandamál á torg sem vert er að ræða.
Málið snýst um það að hópur kvenna biðlar til þingflokksins að hafa í huga gildi kvenna, jafnvel tiltekinna kvenna þegar ráðherrahrókeringarnar fara fram og vísa þær m.a. til samþykktrar stefnu flokksins. Af einhverjum ástæðum fara svona bónir alltaf fyrir brjóstið á karlrembum þessa lands sem eru nú reyndar ekki svo fáar og af báðum kynjum. Það er engu líkara en að þetta fólk telji að bestu ákvarðanirnar séu teknar á einhvers konar auto-pilot með Konfúsískri stóuaðferð, nefnilega að ræða ekki neitt og velta ekki upp vandamálum til umræðu og úrlausnar heldur að viðvarandi kynjamisrétti muni daga uppi ef horft er fram hjá því. Kannast einhver við orðatiltækið að stinga hausnum í sandinn?
Í hvert sinn sem "umdeildar" umbætur á samfélaginu s.s. jafnrétti kynjanna, umhverfismál og fleira í þeim dúr ber á góma að þá er tiltekin herdeild kominn í spíssaða varnarstöðu gegn umræðunni og heimtar að af skoðana uppáþrengingunni sé látið, málin leysi sig best sjálf og þess vegna sé það bara hrópandi misrétti að reyna að leysa vandamálin.
Þessi tilteknu gerð samfélagsvandamála má líkja við reikninga, t.d. símreikninga því þau eru eins konar mínus á réttlætis innistæðunni. Sumir þessara reikninga eru reyndar svo löngu gjaldfallnir að dráttarvextirnir eru himinháir en hjá því er nú reynt að líta nema ef fólk telst herskátt. Og þessir reikningar eru alveg jafn leiðinlegir og símreikningar að því leyti að þeir verða ekki greiddir nema með peningum sem ekki verða fengnir aftur og það eru engin dæmi þess að reikningar borgi sig sjálfir bara ef horft er fram hjá þeim.
En aftur að þessu tiltekna dæmi, heldur einhver virkilega að ef Siv Friðleifsdóttir fer út en Jón Kristjánsson situr áfram að þar hafi ráðið reglan um að sá hæfari sitji áfram?

Bókakaup

2004-08-11T13:29:00.000Z

Auglýst er eftir eftirtöldum bókum:

Kreyszig, Stærðfræðigreining
Principles of geotechnical engineering
Fluid mechanics

Hafið þér þessar bækur undir höndum leitið þá umsvifalaust til undirritaðs gegnum tölvupóstfangið sverrir(hjá)gmail.com.

Nýr málsháttur

2004-07-29T16:59:00.000Z

Ekki er skipulagt nema fram í tímann.

Undrun á stafsetningu

2004-07-29T11:02:00.000Z

Ég rakst af rælni á reglugerð um stafsetningu þegar ég var að leita að z reglum sem ég er að spá í að taka upp hjá sjálfum mér, svona mitt prívat fokk ðe system í stafsetningu. Í téðri reglugerð rakst ég á merka grein, 6. grein 3. kafla sem segir að maður ráði því sjálfur hvort notaður sé stór eða lítill stafur á styttu nafni stofnana eða hluta stofnana. Eitt dæmanna sem tekið er er eimskipafélagið sem stytting á Eimskipafélag Íslands. Svo er sagt frá því að persónugerða hluti má skrifa með stórum staf.
Vantaði nokkuð zetu hjá mér í þennan texta?

Ekki á hjóli, þreytan óyfirstíganleg

2004-07-29T10:41:00.000Z

Í gærkvöldi fór ég nokkuð snemma að sofa á minn mælikvarða, svona hálfeitt. Þetta eftir að hafa horft á Góðkunningja lögreglunnar, mynd um Tyrkjann Keiser Söze sem þó kemur merkilega lítið við sögu miðað við að hann er eftirminnilegasta persóna myndarinnar.
En hvað um það, ég skildi hjólið mitt eftir í vinnunni í gær og Inga skutlaði mér því á bílnum í morgun. Nú á ég í stöðugri baráttu við augnlokin á mér sem vilja lokka mig til svefns. Ég vil meina að þetta sé vegna þess að morgunhressingu hjólaferðarinnar vantar, það er alveg merkilegt hvað 10 mínútna hjólatúr getur gert fyrir mann.

Vonbrigði og reykingar

2004-07-27T14:44:00.000Z

Ég verð að segja það að vinir mínir á pólitík.is valda mér vonbrigðum þessa dagana. Þar finnst mér pennarnir skrifa með blárra bleki en áður og eiginlega eins og að frjálshyggjan sé þar skærasta ljósið.
Nú kann það að virðast ruglingslegt fyrir sumum en ég lít á mig sem frjálshygginn mann og ég veit að það gera Ungir Jafnaðarmenn margir hverjir líka. Hins vegar er það líka svo að það sem skilur frjálslynt vinstri fólk og frjálslynt hægri fólk að að mínu mati er viljinn til að beita ríkisvaldi til hægindarauka og almennrar hagsmunagæslu almennings. Þessi þröskuldur er lágur hægra megin og fer hækkandi til vinstri. (Fyrir sjálfstæðismenn er þröskuldurinn æði mishár og getur jafnvel breytt hæð manna í milli eftir flokksmerkjum og slíks.)
Svokölluð lýðheilsu mál eru ekki par vinsælt umræðuefni hér á landi þessa dagana en þó mjög mikilvæg að mínu mati, eitt þeirra er veitinga-reykinga málið. Ég er sérlega hlynntur algeru reykingabanni á veitingastöðum, sér í lagi eftir reynslu mína frá New York nú um páskana. En þá sá ég hvernig slíkt bann virkar í reynd. (Vel.)
Andstæðingar veitinga-reykinga-banns, þ.á.m. Hrafn Stefánsson sem skrifar grein á fyrrnefnt vefrit, reyna að spila á fölsk rök um fullkomna yfirsýn markaðarins á þörfum almennings. Viðteknar venjur, viðmið samfélagsins og innbyggður valdastrúktúr hafa líka sitthvað að segja og því er erfitt að breyta. Það er auðveldara að sannfæra einstaklinga um óhollustu reykinga en að fá samfélagið til að bregaðst við þeirri vitneskju. Samfélag er náttúrulega ekki til að mati frjálshyggju hægri manna sbr. Thatcher og því munu þeir ei taka þessum rökum sem gildum.

En lítum á málið frá eigin brjósti: Hugsaðu þér hvort þú gætir farið á reyklausan pöbb með vinum þínum undir núverandi kringumstæðum? Hver myndi neita að fara og hvaða áhrif myndi það hafa á ákvarðanatökuna? Ef samstaða næst um að fara á reyklausa staðinn, hverjar eru líkurnar á að verið sé að spila uppáhalds tónlist Þorgríms Þráinssonar? Hverjar eru líkurnar á að umræddur staður ráði til sín góðan plötusnúð (sem reykja flestir eftir því sem mig rekur best minni til) þegar hann veit að hann getur reykt í vinnunni annars staðar?

Reyklaus staður hlýtur að tapa gagnvart reykinga stað hvenær sem er því hann hefur höft, er útilokandi en reykinga staðurinn útilokar mun færri með reyk sínum. Fíknin er sterk, sterkari en viljinn til að hafa ferskt loft og því hafa reykingamenn yfirhöndina. Eingöngu með því að reykingastaðir séu undantekningin er hlutur reyklausra réttur og til þess þarf smá skúbb, gjarnan frá ríkisvaldinu að mínu mati.

Meiri gæsla - ekki meira öryggi

2004-07-22T09:21:00.000Z

Það liggur nú eiginlega ljóst fyrir að allt brjálæðið í aukningu öryggisgæslu á flugvöllum eftir 11. september er næsta tilgangslaust eins og bent hefur verið á. Vissulega lítur það vel út að auka eftirlit og er líklegt til að auka tiltrú almennings á öryggisstofnunum en árangurinn er allt önnur ella. Frá því er sagt í heimsfréttunum að 4 af 5 flugræningjunum sem réðust á BNA haustið 2001 sættu leit er þeir fóru gegnum málmleitarhlið auk annars þess eftirlits sem við þekkjum öll. Það er til einskis að leita ef maður veit ekki hvers er leitað, þessara manna var ekki leitað og því fundust þeir ekki við öryggisskoðun. Hryðjuverkasamtök verða viss um að beita þeirri kænskulegu tækni að nota óþekkt andlit til að framkvæma illvirki sín í framtíðinni.
Stríðið gegn hryðjuverkum hefur að mínu mati bara auðveldað hryðjuverkasamtökum að bæta í lið sitt reiðum ungum mönnum með óþekkt andlit. Ég gæti ímyndað mér að margir væru ekki seinir að grípa tækifærið til að hefna látinna foreldra og limlests bróður ef það gæfist, t.d. þegar vinalegur kall að nafni Osama býður aðstoð sína og paradísarvist í þokkabót.

Fréttafávitar

2004-07-21T12:57:00.000Z

Fréttablaðið girðir alltaf niðrum sig reglulega svona bara til að minna á hversu billegt blað það er. Í dag er t.d. frétt um nýja iPodinn og við hliðina er svo mynd af slíku tæki. Myndin er þó ekki af því sem fréttin fjallar um því hún fjallar um nýjustu útgáfuna en ekki þá elstu sem myndin er af...

Skrítnar reglur

2004-07-20T14:47:00.000Z

Maður rekst á furðulegustu reglur á leið sinni gegnum regluverk hins opinbera, þ.á.m. Reglur um jöfnunarsjóð sveitarfélaga sem hefur þann eina tilgang að safna hluta af skatti Reykvíkinga til að deila peningunum svo út meðal minni byggða sem ekki hafa efni á að reka skóla, vegi o.þ.h. Hitt er Reglugerð um leigubifreiðar þar sem það er skýrt tekið fram að á höfuðborgarsvæðinu skulu ekki vera fleiri en 520 leigubílaleyfi.

Ekki að óttast

2004-07-20T09:09:00.000Z

Kæru lesendur, ekkert er að óttast ég er enn við líf. Það var heilsan sem brást í síðustu viku og ég lá heima í móki og eymd og volæði. Ég þakka þeim sem hringdu og gáfu hreystandi orð.
Svo kom helgin með sínum innanlandsferðalögum, náttúru- og forfeðranostalgíu ásamt tilheyrandi malarvega skrensi.
Fyrst lá leiðin norður í Skagafjörð þar sem Inga mín er búin að vera með sínum foreldrum á bæ afabróður síns, Hjaltastaðahvammi ef einhver skyldi þekkja til þar í sveit. Alltaf þegar ég kem þangað dettur mér í hug að það gæti verið gaman að vera bóndi, garðyrkjubóndi að vísu því ég myndi ekki geta þetta skepnuhaldsvesen. Ég myndi vilja rækta tómata og basiliku og búa til bestu tómatsósu í heimi eða eitthvað í þá áttina.
Svo var kominn tími á að hitta minn ættboga, Hítalína sem hittust að tilefni þess að Richard og Helen frændsystkini mín frá Englandi voru stödd hér á landi. Það var nú venjulegur ættarmótsbragur á því, feimni framan af og fyllerí þar á eftir svona í grófum dráttum a.m.k. Bæjarstæðið í Hítardal er nokkuð sérstakt með miklum hraunum yfir víðum dalnum. Svo þurrt er þar innarlega og jörðin litrík að helst minnir það á Ástralíu eða miðvesturríki Bandaríkjanna.

T-póst blogg

2004-07-08T16:07:00.000Z

Þetta er frumraun mín að skrifa blogg með tölvupósti. Ég skrifa
tölvupóst á tiltekið netfang og pósturinn birtist sem færsla á
blogginu. Alveg snilldarlegt finnst mér og gæti orðið til þess að
maður bloggi úr farsímanum sínum ef það fer einhvern tímann að virka.

Vinstri æfing

2004-07-07T15:38:00.000Z

Er ekki annars komin smá sólarglæta á himninn?
Ég er að æfa mig að nota vinstri hendi á músina og þessi færsla er sko öll skrifuð með vinstri.
Kosturinn við að nota vinstri er að þá getur maður párað á blað með hinni hendinni sem er mjög nytsamlegt. Reyndar skrifa ég næstum jafn illa með hægri og vinstri svo það skiptir ekki öllu máli þannig lagað.

Ekkert bloggað í rigningu

2004-07-07T12:08:00.000Z

Ég er í mótmælaaðgerðum gegn fáránlega ósumarlegu veðri og ekki síst gegn áróðursherferð Veðurstofunnar sem reyndi að halda því fram að júní hefði nú ekki verið svo slæmur með meiri sól og hita en í meðalári. Ég held nú að sólin hafi skinið á nóttunni aðallega og kannski hitinn hafi verið meiri þá líka en ekkert sem um munaði fyrir mig sem sef á nóttunni sko.
Svo geri ég líka kröfu til þess að mér verði boðið í kaffi með einhverjum í dag. Mér finnst alger óhæfa að ég hafi ekki tekið eftirmiðdagskaffi á neinu café í bænum s.l. vikur. Síminn 698-1865 og ég svara á augabragði með kaffibragði.

Words of love and words of leisure,

2004-07-02T10:22:00.000Z

words are poisoned darts of pleasure.
Die, and so you die.

F. Ferdinand ´04

Tízka

2004-07-02T09:35:00.000Z

Ég má til með að minnast á það að Prada línan fyrir karlmenn vorið 2005 er eitthvað aðeins of mögnuð. Myndir má nálgast hér.

Fersk helgi

2004-07-02T09:23:00.000Z

Er ekki einhver þarna úti sem langar í drykk eftir vinnu? Ég held ég fari á KB að fá mér bjór um fimmleytið og þætti betra að sitja ekki einn.

Aftur inni

2004-07-01T09:21:00.000Z

Ég er að spá í að lýsa því yfir að Friendster gæti átt comeback í sumar eða kannski eitthvað af nýrri sósjal network kerfum eins og Orkut. Mig langar að einhver bjóði mér inn sem Orkut vinur sinn, maður getur nefnilega alls ekki skráð sig heldur verður einhver að bjóða manni. Getur einhver boðið mér?

Tvennt í plús í dag

2004-06-30T12:45:00.000Z

Stríðsfyrirsagnirnar framan á DV eru alveg rosalegar. Ég fell alveg fyrir þeim og finnst þær hrein skemmtun út af fyrir sig. Vilja hirða hús níræðrar konu undir bílastæði - Leysir bílastæðavanda menningarelítunnar. Hvernig getur mann ekki langað til að lesa svon grein, fyrirsögnin hefur allt: lokkandi lýsing sem þarf að fylla betur í með lestri greinarinnar, vekur samúð með veslings níræðri konunni, bendir á illa andstæðinginn sem í þokkabót er óalþýðlegur hópur elítista. Stórbrotið.
Uppgötvaði gamalt uppáhald eftir að löngunin greip mig í síðustu viku og hreinlega varð að kaupa eina dollu af Mysingi. Þetta ásmurða álegg er alveg stórkostlegt, best á rúgbrauð hvers kyns að sjálfsögðu og gjarnan með smjörlagi undir. Ég hef aldrei skilið árásir fólks á Mysing því yfirleitt virðist fólk í raun aldrei hafa smakkað hann en látið útlitið hlaupa með sig í gönur. Nutella og hnetusmjör hafa mjög svipaða áferð eða jafnve ólystugri ef eitthvað er... Mæli með Mysingi!
Og smá að lokum: sá Finn Vilhjálmsson sjónvarpsgaur, laganema og ágætis kunningja minn á leið út í búð. Ég hef oft velt því fyrir mér hvar hann stendur í pólitík. Veit einhver það?

Tvær fréttir og ein furðun

2004-06-30T08:48:00.000Z

Á hvort um sig fram- og baksíðu Moggans í dag er að finna tvær fréttir sem við fyrstu sýn kunna að virðast óskyldar en gætu átt töluvert sameiginlegt. Annars vegar er frá Því sagt á forsíðunni að koltvíoxíðs mengun hér á landi sé tíföld sú sem telst meðallosun einhverra tiltekinna landa hvers sameiginlega nafn er horfið úr minni mér. Þetta að sjálfsögðu "per catpita" sem er jú það sem við miðum við. Eflaust eru þetta lönd sem við teljum fullkomnlega samanburðarhæf við okkur og ekki ástæða til að fjargviðrast yfir því. Þá má nú geta þess að "startkostnaður" mengunar í þróuðu ríki er töluverður og því er viðbúið að fámenn ríki á borð við okkar mengi meira en þau sem stærri eru, per capita. Einnig vil ég velta upp þeirri spurningu hvernig við fengum þá meiri CO2 kvóta út úr Kyoto bókuninni ef þetta reynist rétt?
En ástæðunnar fyrir þessum geigvænlega útblæstri þarf ekki að leita lengi enda gætu þeir ekki farið fram hjá manni svo auðveldlega. Þetta eru bílarnir. Og ekki síst jepparnir. Ef einhverjum finnst það ekki klikkun að nota tveggja tonna kerru með á þriðja hundrað hestöfl undir húddinu til að færa sig frá einum stað til annars þá má nú ýmislegt segja um viðkomandi. Og svo kvartar fólk yfir því hvað það borgar mikið í bensín... Ef einhverjum finnst hann borga mikið í bensín og sérstaklega eftir að áskriftin að líkamsræktarstöðinni bættist við, þá hef ég alveg kjörna lausn: að skipta um ferðamáta. Allir geta hjólað 5 km í vinnuna/skólann án vandræða og annað telst nú eiginlega leti í mínum augum. Svo getur maður líka sparað bensín, heilsu barna sinna og minnkað til muna slysahættu við skóla með því að lofa þeim að labba sjálfum. Og þá kemur að hinni fréttinni sem virtist óskyld en hún segir frá því að 20% 9 og 15 ára barna séu of feit. Það skyldi þó ekki vera vegna þess (að hluta) að börnunum er skutlað hvert sem er t.d. í skólann.
Að lokum ætlaði ég að furða mig á því að verkfræðingur sem er að fjalla um innleiðingu nýs tæknikerfis skuli grípa til tilfinningaraka sem réttmæta efasemd um kerfið. Þessi taktík hefur nú ekki tíðkast áður og verður örugglega notuð gegn viðkomandi fyrr en síðar. Tómas Hafliðason segir í grein á Deiglunni Hluti þing- og sveitstjórnarkosninga er ekki síst spennan að bíða úrslitana. Því má ekki glata. Frekar korní að vera á móti rafrænum kosningum og framförum á svona nostalgíu grunni.

Smekkur eða dómgreind?

2004-06-29T13:52:00.000Z

Ég vil nú ekki vera dónalegur en hefur það ekki eitthvað með slæma dómgreind að gera að eiga tvíbura sem heita Dagbjört Nótt og Kolbrún Sól? (Ég ákvað að það væri börnunum í hag að hlekkja ekki á síðurnar þeirra á barnalandi.is)

Að fífla

2004-06-29T12:58:00.000Z

Ég er að spá í að skrifa keðjubréf og sjá hversu lengi það tekur að koma aftur til mín. En mig vantar eitthvað gott efni í bréfið. Tækniframfarir og umdeildar en óhjákvæmilegar ákvarðanir yfirvalda eru gott stöff. Samsæriskenningar líka... Kannski eitthvað með rafræn kosningakerfi og þjóðaratkvæðagreiðsluna í sumar... t.d. að maður geti kosið með því að áframsenda tölvupóst? Jæja þetta fer í slípun, komið endilega með hugmyndir og takið þátt í prakkarastrikinu.

Betri hliðin

2004-06-28T16:47:00.000Z

Vinkona Ingu hún Hlín bauð okkur í grill á föstudagskvöldið ásamt Hönnu og fengum þar góðan bita. M.a. grillaðar eplaskífur sem eru alveg magnaðar ef maður setur smá bríe á. Epli og ostur er alveg fín blanda nefnilega. Við drukkum eina flösku af Rosemount GTR sem getur eiginlega ekki klikkað. Þetta vín er alveg sérstakt því það er bæði sætt og blómríkt, Gewurztraminer hlutinn sennilega þar að verki og svo er í því líka Riesling sem er gefur skerpuna sem er líka að finna í bragðinu. Góð blanda milli sæts og þurrs.
Svo kíktum við á Steinar Júl félaga minn sem var að opna sýningu á laugardaginn í Gallerí Tukt, Hinu Húsinu. Strákurinn kallar á meiri ást og umhugsun um hvernig við komum fram við náungann í seríunni Elskaðu meira! Þar var að sjálfsögðu hans kona og bekkjarsystir mín úr verkfræðinni Katrín Karls ásamt stöllu sinni Silju Hrund. (Ég hlekkja nú ekki á þessar óuppfærðu síður þeirra..)
Kosningavaka Baggalúts var meginatburður kvöldsins, menn voru spenntir fyrir gengi Vigdísar enda kom það á daginn að hún sigraði með yfirburðum (með tæpum 3 milljónum atkvæða). Þarna var sem sagt saman komið fólkið sem stundar hvað mest Gestapó á Baggalút en það er e.k. spjallþráður þar. Sjálfur hef ég nú aldrei skrifað neitt þar en ég "þekki fólk" eins og sagt er. Reyndar þekktist þetta fólk sem þar var samankomið ekkert nema bara af netinu svo stemmningin var nokkuð spes þar sem flestir voru að hittast í fyrsta skipti.
Einn viðstaddra var haldinn einhverri almestu félagslegu fötlun sem ég hef séð og fór u.þ.b. samstundis í taugarnar á manni með þeim hætti sem framkallar líkamleg viðbrögð. Sérstakur eiginleiki að vera algerlega blindur á allt sem gerist í kringum mann vegna einbeitingar að sjálfum sér og eigin ágæti.
Síðar um nóttina snérum við aftur á Bar 11 þar sem ótrúlega skemmtilegur ítalskur plötusnúður snéri skífum. Hann blandar gömlu og nýju rokki á frábærlega ófyrirsjáanlegan en vel passandi hátt. Engar klisjur þar á ferð heldur miklu menntaðri og ígrundaðri spilun en gengur og gerist. Eða kannski er maður bara búinn að heyra prógrammið hjá G&G aðeins of oft...
Krummi frádráttarmeistari var í góðu flippi þarna og virtist hafa fengið útborgað fyrir plötusnúðastarfið helgina áður. Inga og Hanna spjölluðu við hann undir stiganum en sjálfur kaus ég að ræða við Orra Gunnars skipulagsgúrú.
Sunnudagurinn var fjallganga inn í Reykjadal sem er magnað, hæfileg ganga frá Hveragerði og svo getur maður skellt sér í hyl þar sem heit og köld á mætast. Hálfgert leyndarmál þessi dalur a.m.k. hvað varðar Íslendinga því við hittum bara útlendinga á leiðinni.
Já topphelgi bara held ég.

Nokkrar umkvartanir á mánudegi

2004-06-28T14:43:00.000Z

1. Mér finnst farið að bera fullmikið á því að ég sé kallaður "Bróðir Atla Bolla..." Bróðir minn er toppnáungi en ég lít miklu frekar svo á að hann skyldi kalla bróður minn en að ég sé kallaður hans enda er þar um ólíka virðingarröð að ræða.
2. Ég er hættur að nenna að sitja yfir síðasta bjór á reykmettuðum og hávaðasömum börum fram undir morgun án möguleika til nokkurra skemmtilegra samskipta eða annars sem forðar manni frá eirðarleysi sem svona seta kallar óhindrað á. Sumum virðist finnast þetta nægilega afþreyjandi til að stunda þetta en ekki þessi sjálfmiðlari, ó nei. Nú fer ég heim í síðasta lagi 3 eða fyrr ef ekki er skemmtilegra en svo.
3. Hingað til hef ég nú aldrei þótt sérstaklega duglegur að hringja í fólk; vini, kunningja, ættingja o.s.frv. Inga mín er líka sérlega dugleg síma og partíreddinga manneskja en það er ekki þar með sagt að ég vilji ekki að fólk hringi í mig. Ég heimta að ég fái fleiri símtöl en ekkert næstu helgi.
4. Veður.

(Sjá jákvæða umfjöllun um sömu helgi í næstu færslu.)